Өлкө боюнча акысыз концерттер: BAKAI КЫРГЫЗ ТУРду улантууда

BAKAI 2026-жылдын эң ири музыкалык долбоорлорунун бири болгон КЫРГЫЗ ТУРду өлкө боюнча улантууда. КЫРГЫЗ ТУР буга чейин он миңдеген көрүүчүлөрдүн башын бириктирип, өлкөбүздүн заманбап музыкалык сахнасын, жаш аткаруучуларды колдоого жана аймактардагы маданий турмушту жандандырууга багытталган жылдын эң жаркын окуяларынын бирине айланды.

Баткен жана Ош шаарларындагы алгачкы концерттер миңдеген көрүүчүлөрдү чогултуп, шаарларга чоң музыкалык фестивалдын өзгөчө маанайын тартуулады. Ош шаарындагы концертке эле 20 миңге жакын адам келип, ал өлкөнүн түштүгүндөгү сезондун эң ири маданий иш-чараларынын бири болду.

Сахнада Бегиш, Bakr, Freeman996, Баястан, Aftok, Era, 7Gen, AGA-INI, KAIBAR, Emir Aga жана башка белгилүү ата мекендик аткаруучулар өз өнөрлөрүн тартуулашты. Концерттер көп сандагы көрүүчүлөрдү чогултуп, чыныгы музыкалык майрамдын маанайын жаратты.

Акысыз тур төмөнкү шаарларды дагы камтыйт:

• 2-июнь — Манас
• 8-июнь — Талас
• 17-июнь — Нарын
• 23-июнь — Каракол
• 30-июнь — Бишкек

КЫРГЫЗ ТУР алкагындагы бардык концерттерге кирүү акысыз.            

Уюштуруучулардын белгилөөсүндө, КЫРГЫЗ ТУР жөн гана концерттер сериясы эмес. Бул - ата мекендик музыка индустриясын жана жаш аткаруучуларды колдоо, ошондой эле аймактардагы жаштар үчүн ири маданий иш-чараларды жеткиликтүү кылуу мүмкүнчүлүгү.

КЫРГЫЗ ТУР көрүүчүлөргө жандуу эмоцияларды, жаркын аткарууларды жана сүйүктүү артисттерин жакындан көрүү мүмкүнчүлүгүн тартуулайт. Коноктор ар кандай оюндарга жана активдүүлүктөргө катышып, карта ачып, белектерди жана BAKAIдын фирмалык мерчтерин ала алышты.