Коммерциялык банктарда депозиттердин көлөмү өсүшүн улантууда
2026-жылдын март айынын аягына карата улуттук жана чет өлкө валютасындагы депозиттердин жалпы көлөмү 916,5 млрд сомго жеткен. Анын ичинен улуттук валютадагы депозиттер 629,6 млрд сомду түзүп, өткөн жылдын ушул мезгилине салыштырмалуу кыйла өскөн.
Коммерциялык банктардын Улуттук банкка мезгил-мезгили менен берүүчү отчётуна ылайык, 2025-жылдын март айында сом түрүндөгү депозиттердин көлөмү 418,3 млрд сом болсо, бир жыл ичинде бул көрсөткүч 211,3 млрд сомго же 50,5 % көбөйгөн.
Улуттук валютадагы депозиттердин өсүшү негизинен резиденттердин салымдарынын көбөйүшү менен байланыштуу. Ал эми жеке адамдардын сом түрүндөгү депозиттери да жогорулап, калктын улуттук валютага болгон ишениминин сакталып жатканын көрсөтүүдө.
Коммерциялык банктардагы улуттук валютадагы депозиттердин көлөмү (млн.сом)
|
Улуттук валютадагы депозит |
2025-жылдын марты |
2026-жылдын марты |
|
Жалпысынан |
418319,4 |
629626,7 |
|
Резиденттердин депозиттери |
410023,5 |
615976,4 |
|
Жеке адамдардын депозиттери |
162201,00 |
216596,9 |
|
Резидент эместердин депозиттери |
8296,0 |
13650,3 |
Чет өлкө валютасындагы депозиттер дагы өсүштү көрсөткөн. 2025-жылдын мартында алардын көлөмү 250,3 млрд сом болсо, 2026-жылдын мартында 286,9 млрд сомго жетип, 36,6 млрд сомго же 14,6 % көбөйгөн.
Коммерциялык банктардагы чет өлкө валютасындагы депозиттердин көлөмү (млн.сом)
|
Чет өлкө валютасындагы депозит |
2025-жылдын марты |
2026-жылдын марты |
|
Жалпысынан |
250297,5 |
286857,4 |
|
Резиденттердин депозиттери |
178597,4 |
198398,5 |
|
Жеке адамдардын депозиттери |
56051,0 |
56289,8 |
|
Резидент эместердин депозиттери |
71700,1 |
88458,9 |
Жыйынтыгында, банк тутумундагы депозиттердин структурасында улуттук валютадагы салымдардын үлүшү өсүп жаткандыгы байкалууда. Адистер муну банк секторуна болгон ишенимдин жогорулашы жана калктын акча каражаттарын улуттук валютада сактоого кызыгуусунун күчөшү менен байланыштырышат.
