Микрокредиттердин негизги бөлүгү керектөө насыяларына туура келет
Кыргызстанда микрофинансы уюмдары тарабынан берилген насыялардын көлөмү өсүүнү улантууда. Кыргыз Республикасынын Улуттук банкынын маалыматына ылайык, 2026-жылдын биринчи кварталынын жыйынтыгында микрофинансы уюмдарынын кредиттик портфели 23 млрд 397,2 млн сомду түздү. Бул көрсөткүч 2025-жылдын ушул эле мезгилиндеги 18 млрд 923,9 млн сомго салыштырмалуу 4,47 млрд сомго же 23,6 % көп.
Насыялардын эң ири бөлүгү мурдагыдай эле керектөө кредиттерине туура келүүдө. 2026-жылдын биринчи кварталында бул багытта 14 млрд 654,1 млн сом насыя берилген. 205-жылдын ушул мезгилинде бул көрсөткүч 11 млрд 555,1 млн сом болгон. Натыйжада керектөө насыялары бир жыл ичинде дээрлик 3,1 млрд сомго көбөйгөн.
Айыл чарба тармагы микрокаржылоонун негизги багыттарынын бири бойдон калууда. Бул секторго берилген насыялардын көлөмү 3 млрд 159,2 млн сомдон 3 млрд 748,7 млн сомго чейин өскөн.
Кызмат көрсөтүү чөйрөсүнө бөлүнгөн каражат дагы көбөйүп, 1 млрд 814 млн сомдон 2 млрд 45,6 млн сомго жеткен. Ошол эле учурда транспорт тармагына берилген насыялар дээрлик эки эсеге көбөйүп, 204,3 млн сомдон 384,8 млн сомго чыккан.
Ал эми соода тармагындагы кредиттөөнүн көлөмү тескерисинче азайып, 1 млрд 211,8 млн сомдон 1 млрд 4,1 млн сомго чейин төмөндөгөн. Курулуш жана ипотекалык насыялар дагы кыскарып, 664 млн сомдон 593,3 млн сомду түзгөн.
Жалпысынан алганда, маалыматтар микрофинансы уюмдарынын кредиттик портфели өсүп жатканын жана калк тарабынан керектөө насыяларына болгон суроо-талап жогору бойдон калып жатканын көрсөтүүдө.
(млн.сом)
|
Банк эмес ФКУ насыясы |
2025-жылы |
2026-жылы |
|
Микрофинансы уюмдар |
18923,9 |
23397,2 |
|
Өнөр жайына |
114,8 |
182,1 |
|
Айыл чарбасына |
3159,2 |
3 748,7 |
|
Транспорт |
204,3 |
384,8 |
|
Байланышка |
0,0 |
1,8 |
|
Соодага |
1211,8 |
1 004,1 |
|
кайра иштетүүчү ишкана |
2,7 |
10,6 |
|
Курулушка/ипотекага |
664,0 |
593,3 |
|
Керектөө кредиттери |
11555,1 |
14 654,1 |
|
Кызмат көрсөтүүлөргө |
1814,0 |
2 045,6 |
