Мыйзам талаптарын бузган төлөм уюмуна 165 миң сом айып пул салынды
Кыргыз Республикасынын мыйзам талаптарын жана Кыргыз Республикасынын Улуттук банкынын ченемдик укуктук актыларынын талаптарын бузууга жол бергендиги үчүн, бир төлөм уюму жоопко тартылды.
Улуттук банктын маалыматына караганда, төлөм уюмуна жалпы суммасы 165 000 сом өлчөмүндө айып пул салынган, бирок кандай талаптардын бузулгандыгы ачыкталган эмес.
2016-жылдын 19-июнуна карата Кыргыз Республикасынын Улуттук банкынын лицензияларынын реестринде 56 төлөм уюму каттоодо турат. Алардын дээрлик баардыгы Бишкек шаарында жайгашкан.
Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди Ишкер MEDIA сайтынын Telegram, Facebook, Instagram, Threads жана Х каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!
