Улуттук банк валюта рыногунда ири интервенция жасады
Улуттук банк 2026-жылдын башынан бери валюта рыногунда эң ири интервенция жүргүзүп, 222,55 млн $ сатты. Улуттук банктын маалыматына ылайык, интервенция 29-июнда жүргүзүлгөн.
Бүтүмгө келишилген күндөгү эсептөөлөр менен 66,3 млн $, ал эми бүтүмгө келишилген күндөн башка күндөгү эсептөөлөр менен 156,25 млн $ сатылган.
Кезектеги интервенция Улуттук банктын жыл башынан берки сегизинчи жана эң ири интервенциялардын бири болуп калды. Буга чейин Улуттук банк төмөнкү көлөмдө валюталарды саткан:
8-июнда – 170,2 млн $;
16-апрелде – 168 млн $;
30-мартта – 178,9 млн $;
10-мартта – 140 млн $;
26-февралда – 162,55 млн $;
6-февралда – 109,95 млн $;
19-январда – 134,05 млн $.
Улуттук банкынын маалыматы боюнча, өткөн жылы жана быйыл дагы рынокто валюта сатып алуулар жүргүзүлгөн эмес, болгону сатуулар гана болуп жатат.
Эске салсак, 2025-жылы Улуттук банк жалпысынан сегиз валюта интервенциясын жүргүзүп, 853 млн $ саткан.
Белгилей кетсек, Улуттук банк валюта интервенцияларын ички валюта рыногундагы кескин серпилүүлөрдү жумшартуу жана улуттук валютанын курсунун туруктуулугун камсыздоо максатында жүргүзөт.
