Улуттук банк адистештирилген финансы уюмдарынын ишин жөнгө салат
КРнын Улуттук банкы 2026-жылдын 6-июлунда адистештирилген финансы уюмдарынын ишин лицензиялоо жана жөнгө салуу маселелери боюнча жаңы токтом долбоорун кабыл алды.
Улуттук банктын маалыматына ылайык, документ адистештирилген финансы уюмдарынын ишин колдоо жана өнүктүрүү максатында иштелип чыккан. Анын алкагында мындай уюмдардын уюштуруу-укуктук формалары, жүргүзө ала турган операцияларынын тизмеси, жөнгө салуу жана аларды техникалык жактан бекемдөө талаптары белгиленген.
Ошондой эле токтом менен «Адистештирилген финансы уюмдарынын ишин лицензиялоо жөнүндө жобо» жана «Адистештирилген финансы уюмдарынын ишин жөнгө салуу эрежелери» бекитилди.
Мындан тышкары, жаңы документке байланыштуу Улуттук банктын буга чейин кабыл алынган бир катар ченемдик укуктук актыларына өзгөртүүлөр киргизилип, 2016-жылдан бери колдонулуп келген айрым жоболор күчүн жоготту.
Документтин толук тексти Улуттук банктын расмий сайтында жарыяланган.
