Кыргызстанда банк секторунун активдери 1,4 трлн сомдон ашты
31-июлга карата Кыргызстанда 26 коммерциялык банк жана алардын 306 филиалы иштеп жаткан. Анын ичинен 6 банк ислам банк ишинин жана каржылоонун принциптери боюнча кызмат көрсөтөт.
Улуттук банк билдиргендей, банк секторунун жалпы активдери жыл башынан бери 21,9% өсүп, 1 476,1 млрд сомго жетти.
Кардарларга берилген кредиттердин көлөмү 22,2% өсүп, 619,3 млрд сомду түздү. Ал эми депозиттердин жалпы көлөмү 3,9% көбөйүп, 900,2 млрд сомго жеткен.
Ислам принциптери боюнча каржылоонун көлөмү жыл башынан бери 45,1% өсүп, 27,9 млрд сомду түздү.
