Президент менен жолугушуу, холдинг түзүү, күмбөз жана музейге сапар – Садыр Жапаровдун БАЭге болгон иш сапарынын жыйынтыгы
Президент Садыр Жапаровдун Бириккен Араб Эмираттарына (БАЭ) 30-октябрдан 1-ноябрга чейин созулган жумушчу сапары аяктады. Кечээ өлкө башчысы Бишкекке кайтып келгенин президенттин маалымат кызматы билдирди.
Сапардын алкагында Жапаров БАЭ президенти шейх Мохаммед бин Заид Аль Нахайян менен жолугушуп, соода-экономикалык, билим берүү, гуманитардык, инвестициялык жана башка тармактарда кызматташуунун келечегин жана аны өнүктүрүүнү талкуулады.
Жолугушуунун жыйынтыгында бир катар эки тараптуу документтерге кол коюлуп, анын арасында жалпы суммасы 1 млрд 200 млн долларга чейин коммерциялык ири өнүктүрүү долбоорлорун ишке ашырууга багытталган уставдык фонду 100 млн доллардык биргелешкен холдинг түзүлдү.
Сапардын алкагында Жапаров ошондой эле БАЭнин негиздөөчүсү жана биринчи президентинин Wahat Al Karama мемориалдык комплексине, жана анын ысымы ыйгарылган мечитке барып келди.
Бул тема боюнча башка жаңылыктарды окуңуз:
Уставдык капиталы 100 млн доллар болгон БАЭ менен биргелешкен холдингдик компания түзүүгө кол коюлду
Сауд Арабиясы, Бахрейн, Оман, БАЭ, Катар, Кувейт, Иордания кыргызстандыктарды жумушка алууга даяр
Кыргызстан ай сайын муздатылган кой этин Араб Эмираттарына экспорттойт
«Шоро» Бириккен Араб Эмираттарынын рыногуна кирди — Дубайда сатыла баштады
