Бийлик

Кыргызстан EXIM банкы менен каржылык кызматташууну кеңейтүү мүмкүнчүлүктөрүн карады

Айгерим Качкынбекова

15 апр. 2026 15:34

Министрлер Кабинетинин Төрагасы Адылбек Касымалиев АКШнын Экспорт-Импорт банкынын (EXIM Bank) президенти жана төрагасы Жон Йованович менен жолукту. Жолугушуу Вашингтондо Эл аралык валюта фонду жана Дүйнөлүк банк тобунун жазгы жыйындарынын алкагында өттү. Бул тууралуу Өкмөттүн Басма сөз кызматынан билдиришти.

Жолугушуунун жүрүшүндө тараптар эки тараптуу каржылык кызматташуунун мүмкүн болгон багыттарын талкуулашты. Адылбек Касымалиев EXIM банктын жетекчилигине Кыргызстандын учурдагы экономикалык өнүгүүсү, акыркы беш жылдагы жетишкендиктери жана жүргүзүлүп жаткан реформалар тууралуу маалымат берди.

Өз кезегинде Жон Йованович EXIM банкынын негизги ишмердүүлүгү, анын АКШнын финансылык-кредиттик саясатындагы ролу жана эл аралык долбоорлорду каржылоодогу мүмкүнчүлүктөрү тууралуу кеңири айтып берди. Ал Кыргызстан менен өз ара пайдалуу кызматташууну өнүктүрүүгө кызыкдар экенин белгиледи.

Жолугушуунун жыйынтыгында тараптар өз ара кызыкчылык жараткан тармактарда өнөктөштүк мамилелерди түзүү жана конструктивдүү диалогду улантуу боюнча макулдашышты.

Маалымат үчүн: АКШнын Экспорт-Импорт банкы (EXIM) — америкалык экспортту колдоого багытталган расмий федералдык экспорттук-кредиттик агенттик болуп саналат. 2025-финансы жылына карата банктын портфелинин жалпы көлөмү 34,8 млрд АКШ долларын түзгөн.

Мындан тышкары окуңуз

Өлүмгө чейин жеткирген "Алдамчылык" фактысы боюнча жаран кармалды

Жумгал районунда "Опузалап талап кылуу" жана "Алдамчылык" фактысы боюнча кылмыш иши козголуп, шектүү жаран колго түштү. Нарын ОИИБдин Басма сөз кызматынан кабарлагандай, буга чейин Жумгал районунун Байзак айылынын тургуну, 1998-жылы туулган жаран өз үйүнүн короосундагы сарайда асынып каза болгон факты катталып, тергөөгө чейинки текшерүү иштери жүргүзүлгөн.

Россия Кыргызстандагы балык тоютуна нөлдүк КНС киргизилгенине нааразы

Россиянын Экономикалык өнүгүү министрлиги 10-мартта Евразия экономикалык комиссиясына расмий кайрылуу жолдогону ЕАЭБ порталында жарыяланган. Россия тараптын пикиринде, Кыргызстанда айыл чарба балыктары үчүн тоюттарга карата кошумча нарк салыгы (КНС) боюнча артыкчылыктуу шарт түзүлгөн. Тактап айтканда, жергиликтүү өндүрүштөгү тоюттар үчүн башка ЕАЭБ өлкөлөрүнөн келген продукцияга салыштырмалуу жеңилдик берилген деп эсептелүүдө. Маалыматка ылайык,

Шопоков шаарынын мэри болуп Жакыпбек Субакожоев дайындалды

Сокулук районунун Шопоков шаарынын мэри болуп Жакыпбек Субакжоев дайындалды. Ж.Субакожоев буга чейин Ат-Башы, Кара-Суу, Ноокат районунун акими болуп иштеген. Эске салсак, Шопоков шаарынын мэринин милдетин Абдимиталип уулу Абдинасир аткарып келе жаткан. Шопоков шаары Сокулук районуна караштуу. Шаар башчысы Сокулук районунун акимине баш ийет.

КабМин жаңы салыктык реформаны даярдап жатат. Эмне өзгөрөт?

Министрлер Кабинети салык системасын реформалоо боюнча жаңы токтом долбоорун коомдук талкууга чыгарды. Документ салыктык башкарууну түп-тамырынан өзгөртүп, көзөмөлдү күчөтүүнү, санариптештирүүнү жана салык органдарынын ыйгарым укуктарын кеңейтүүнү карайт. Негизги өзгөрүүлөр кайсылар? Видео көзөмөл (камералар) Ишкерлер салык органдарына видеобайкоо системаларына жеткиликтүүлүк берүүгө милдеттендирилиши мүмкүн. Эгер камералар жок болсо, текшерүүчүлөр аларды өздөрү орнотушат.