Идрис Кадыркулов Кыргызстандын Украинадагы элчиси кызматынан бошотулду

Кыргызстандын Украинадагы, Киев шаарындагы резиденциясы менен ишти айкалыштыруу боюнча Молдовадагы, Болгариядагы жана Румыниядагы элчиси Идрис Кадыркулов кызмат ордунан бошотулду.

Президенттик администрациянын маалыматына ылайык, тиешелүү мыйзамга өлкө башчысы Садыр Жапаров кол койгон.

Белгилей өтсөк, Идрис Кадыркулов Кыргыздын Украинадагы элчиси болуп 2022-жылы 25-январда дайындалган. Ал эми 3 өлкөдөгү элчи кызматына 2023-жылдын октябрь айында киришкен.