Аймактык коопсуздук күн тартибинде: С.Жапаров ШКУ өкүлдөрүн кабыл алды
Бүгүн, Президент Садыр Жапаров Коргоо министрлеринин кеңешмесине катышуу үчүн келген Шанхай кызматташтык уюмуна мүчө-мамлекеттердин коргоо ведомстволорунун жетекчилерин кабыл алды.
Расмий маалыматка ылайык, жолугушуу Коргоо министрлеринин кеңешмесине катышуу үчүн Бишкекке келген делегациялардын алкагында өттү. Мамлекет башчысы Кыргызстан ШКУнун учурдагы төрагасы катары коргоо тармагындагы кызматташтыкты чыңдоого өзгөчө көңүл бурарын белгиледи.
Президент биргелешкен аскердик машыгууларды өткөрүү, тажрыйба алмашуу жана коргоо ведомстволорунун ортосундагы координацияны жакшыртуу негизги багыттар экенин айтты.
Садыр Жапаров кеңешменин жыйынтыгында жетишилген макулдашуулар ШКУ өлкөлөрүнүн ортосундагы коргоо кызматташтыгын бекемдеп, аймактык коопсуздукту чыңдоого өбөлгө түзөрүнө ишеним билдирди.
