Жаратылыш ресурстары министрлигинин кызматкерлери коррупцияга шектелип кармалды
УКМК тарабынан Жаратылыш ресурстары, экология жана техникалык көзөмөл министрлигинин Чүй аймактык башкармалыгынын кызматкерлери тарабынан ишкерлерден пара талап кылуу фактысы боюнча коррупциялык схема аныкталды. Бул тууралуу УКМКдан билдиришти.
Маалыматка ылайык, 2026-жылдын 13-майында Кылмыш-жаза кодексинин 343-беренесинин 2-бөлүгүнүн 1-пунктунда (пара талап кылуу) каралган кылмыш белгилери боюнча козголгон кылмыш ишинин алкагында экологиялык экспертизанын оң корутундусун берүү үчүн өзгөчө ири өлчөмдө пара алуу фактысы боюнча Жаратылыш ресурстары, экология жана техникалык көзөмөл министрлигинин Чүй аймактык башкармалыгынын кызмат адамдары О.М.К. жана Д.О.М. өзгөчө ири өлчөмдө пара алып жаткан жеринен кармалды.
Жүргүзүлгөн иш-чаралардын жыйынтыгы боюнча кармалган О.М.К. Жазык-процесстик кодексинин 96-беренесине ылайык УКМКнын убактылуу кармоочу жайына киргизилди, ал эми Д.О.М. өлкөдөн чыкпоо жөнүндө тилкаттын негизинде бошотулду.
