Алмаз Ажыгулов УКМК төрагасынын орун басары болуп дайындалды

Президент Садыр Жапаров кол койгон тескемеге ылайык, Алмаз Ажыгулов Кыргыз Республикасынын Улуттук коопсуздук мамлекеттик комитетинин төрагасынын орун басары – Киберкоопсуздукту камсыздоо боюнча координациялык борбордун директору болуп дайындалды.

Тиешелүү чечим Кыргыз Республикасынын Конституциясынын 71-беренесинин негизинде кабыл алынды.

Жаңы кызматында Алмаз Ажыгулов өлкөнүн киберкоопсуздугун камсыздоо, маалыматтык инфраструктураны коргоо жана санариптик мейкиндиктеги коопсуздукту чыңдоо боюнча иштерди координациялайт.