Кыргызстандын тигүүчү фабрикалары россиялык ишканалар менен 10 млрд рублга келишимдерди түзүштү
Caravan Expo 2022 аталган Россиядагы кыргыз товарларынын жана кызматтарынын биринчи көргөзмөсүнүн жыйынтыгында КР жана РФ ишкерлеринин ортосунда 10 млрд рублга келишимдер түзүлдү. Бул тууралуу катышуучулардын өз ара кызматташуусу боюнча меморандумдарга кол коюу аземинде көргөзмөнүн уюштуруучусу Темирлан Жуманазаров билдирди.
Көргөзмө учурунда негизинен жеңил өнөр жай тармагына басым жасалды.
Уюштуруучулар Кыргызстандын бүтүндөй экономикасын жаңы деңгээлге чыгарууга ниеттенишкенин, көргөзмөгө келгендердин жана экспоненттердин саны мындан да көп болушуна ишенишкенин Жуманазаров белгилеп айтты.
«Жалпысынан айтканда жыйынтыктар канааттандырарлык болду. «Ламода», Most сыяктуу ири дүкөндөр тармактары жана маркетплейстер менен келишимдер түзүлдү. […] Биз башында келишимдердин жалпы суммасы 1 млрд сомго жетет деп айтканыбыз менен, андан алда канча көбүрөөк болот деп күткөнбүз. Экспонаттардын да, келишимдердин да суммасы 10 млрд рублдан да көп болмок», – деди ал.
