Жөнү жок текшерүү жана акча жыйноо - бийлик эмнеге бизнести текшерүүгө тыюу салганын түшүндүрдү
2023-жылдын ичинде ишкерлерди жана банктарды текшерүүгө киргизилген мораторий жеке ишкердикти өнүктүрүү үчүн шарт түзүүгө жана инвестициялык климатты жакшыртууга багытталган. Бул тууралуу президенттин администрациясынын билдирүүсүндө айтылды.
Президенттин кеңсеси белгилеп кеткендей, ишкердикти мамлекеттик жөнгө салуу чөйрөсүндө бизнестин өнүгүшүнө терс таасирин тийгизген, калктын жана инвесторлордун, анын ичинде чет элдик инвесторлордун ишкердик активдүүлүгүн төмөндөткөн көйгөйлөр бар.
Мына ушул көйгөйлөрдүн бири – укук коргоо органдары, салык жана көзөмөлдөөчү органдар тарабынан текшерүүлөр өтө көп жүргүзүлүшү жана кызмат абалын кыянаттык менен пайдалануусу. Буга кичи, орто жана ири бизнестин өкүлдөрү, анын ичинде коммерциялык банктар көп даттанышат.
Көбүнчө бул негизсиз, кайталанма, атүгүл мыйзамсыз текшерүүлөр, акча талап кылуу фактылары да учурайт.
Бул тема боюнча башка материалдарды окуңуз:
Мамлекеттик органдар 2023-жылы бизнести жана банктарды текшербейт
