Чүйдө унааларды кураштыруу заводу курулат – кубаттуулугу жылына 10 миң автоунааны түзөт

Чүй облусундагы Ак-Суу айылында «Алтын Тулпар Унаа Курулуш» жеңил унааларды жана коммерциялык техникаларды кураштыруу жана чыгаруу боюнча жаңы заводу курулат. Бул тууралуу минкаб билдирди.

Министрлер кабинетинин төрагасы Акылбек Жапаровдун айтымында, Кыргызстан менен Өзбекстандын ортосундагы достук мамиле жаңы деңгээлге чыкты.

«Мунун далили катары мына бүгүнкү жеңил унааларды жана коммерциялык техникаларды кураштыруу жана чыгаруу боюнча жаңы заводдун курулушуна капсула салынышы. Бул эки өлкө үчүн стратегиялык мааниге ээ долбоор», - деди Жапаров.

Заводду КРнын аймагында куруу боюнча макулдашуу Өзбекстандын президенти Шавкат Мирзиеевдин 2023-жылдын январында КРна болгон расмий сапарынын алкагында жетишилген.  Алгачкы этапта заводдун өндүрүштүк кубаттуулугу жылына 10 миң автоунааны түзөт жана 1000ден ашуун туруктуу жумуш орундары түзүлөт.