600 долларлык аттиштерди сатып алган TBEA менен электр линиясын куруу боюнча келишимге кол коюлду

Энергетика министрлиги менен ТВЕА компаниясы  жогорку чыңалуудагы электр өткөргүч линиясын куруу боюнча кызматташуу ниетинде макулдашууга кол койду. Бул тууралуу мекеменин маалымат кызматы билдирди.

Такталгандай, долбоордун негизги максаты келечекте Кыргыз Республикасынан Кытайга 220-500 кВ электр берүүчү  аба чубалгыларын куруу жана Кыргызстанда курулуучу күндөн, шамалдан электр энергиясын өндүрүүчү станциялардын жана ири ГЭСтердин электр энергиясы ички керектөөчүлөрдү  толук камсыз кылып бүткөн соң, Кыргыстандан Кытайга 220-500 кВ курулган линия аркылуу ашыкча электр энергиясын коңшу өлкөлөргө кымбат баада  экспорттоого мүмкүнчүлүк берет.

Ошондой эле Кытай менен Кыргызстандын ортосуна келечекте 220- 500кВ аба чубалгыларын куруу боюнча тараптардын кызматташуусунда пландалып жаткан долбоордо «Датка» ПСдан болжолдуу чек ара пункту «Иркештамга» чейин бир тармактуу 220-500 кВ аба чубалгы куруу, Нарын облусундагы «Ак-Кыя» ПСдан «Торугарт» чек арасына чейин 220-500 кВ аба чубалгы куруу варианттары каралууда.

Эске салсак, 2013-жылы кытайлык ТВЕА компаниясы менен Бишкек ЖЭБин модернизациялоо боюнча 386 миллион долларлык келишимге кол коюлган. УКМК бул долбоорду Кыргызстан үчүн пайдасыз экенин аныктаган.

Мекеме борбор калаанын ЖЭБин модернизациялоосунда мамлекетке $111 млн 253 миң зыян келтирилген.