Фермерлерге 37 млн евро өлчөмүндөгү узак мөөнөттүү насыялар берилет
Фермерлерге жана бизнеске улуттук валютада узак мөөнөттүү айыл чарба инвестициялык кредиттерин алууга мүмкүн пайда болду. Каржылоо «Агрофинансылоонун кошумча нарк чынжырлары, 2-фаза» долбоорун алкагында ишке ашырылат. Бул тууралуу Финансы министрлиги билдирди.
Такталгандай, Немис өнүктүрүү банкы (KFW) Кыргызстанга 10 млн евро өлчөмүндө грант берет. Мындан тышкары, Европа өнүктүрүү банкы (ЕӨБ) 22 млн евро өлчөмүндө кредиттик линия бөлөт.
5 млн евро Борбор Азия үчүн Инвестициялык фондунан (учурда APIF - Азия-Тынч океан инвестициялык фонду деп аталат), агрардык-финансы секторун колдоого, фермерлерге жана агробизнестерге жабдууларды жаңыртуу жана заманбап технологияларды колдонууга мүмкүнчүлүк берүү үчүн Европа Биримдиги (ЕБ) тарабынан каржыланат.
