Борбор Азия аймагында логистикалык кампалар аз
Евразия өнүктүрүү банкынын докладында Борбор Азияда агрологистика жай өнүгүп жатканы айтылды. Аймакта продукциялардын бир бөлүгү даярдалбаган шартта сакталган кургак кампалар бар. Үй шартында же кампалык коомперативдерде сакталган учурлар да аз эмес. Натыйжада, талаптагыдай түшүмдүн көп бөлүгү зыянга учурап, жараксыз болуп калууда.
“Россия заманбап логистикалык кампалар менен 80% камсыз болгон, Борбор Азия өлкөлөрүндө мындай объектилер абдан аз. Мисалы, Өзбекстан, Кыргызстан, Тажикстанда муздак сактоонун жеткиликтүү кубаттуулугу жалпы көлөмдүн 30-70%ын түзөт”,-делет маалыматта.
Ошол себептен Борбор Азияда ар жылы 14 млн тоннага жакын айыл чарба продукциясы чирип жок болот же талаптагыдай эмес шартта сакталат. Айрыкча бул аймакта күзгү түшүм жыйноо жана жазгы калган продукцияны реализациялоо убагында акыбал анча жакшы эмес.
“Жылдын бул мезгилинде сактоонун буфердик зоналарын түзүп, фермерлерди шашылыш түрдө транспорт менен камсыз кылуу керек. Болбосо алар айыл чарба өсүмдүктөрүнүн ашыгын арзыбаган баада сатат же ыргытууга аргасыз болот”,-делет иликтөөнүн авторлору.
