Быйыл 9 айда Кыргызстандан 17,8 миң тонна кумшекер экспорттолду

Үстүбүздөгү жылдын январь-сентябрь айларында Кыргызстандан чет өлкөлөргө 1 млрд 60,4 млн сомдук кумшекер сатылганы белгиленди. Бул тууралуу "Акчабар" сайты Улуттук статистика комитетине таянуу менен кабарлады.

Маалыматка ылайык, сыртка жалпы 17 миң 811,5 тонна кумшекер экспорттолду. Анын басымдуу бөлүгү Өзбекстанга жөнөтүлгөн: 17 миң 688,5 тонна (1 млрд 53,7 млн сом).

Ошондой эле Тажикстанга 108 тонна (5,85 млн сом), Афганистанга 15 тонна (825 миң сом) кумшекер экспорттолду.