Борбордук Азия – АКШ: Бишкекте B5+1 форуму өтөт

2026-жылдын 4-5-февралында Бишкек шаарында B5+1 форуму (Бизнес Борбордук Азия – Америка Кошмо Штаттары) өткөрүлөт. Бул тууралуу Экономика жана коммерция министрлигинен билдиришти.

Форум Министрлер Кабинети жана эл аралык жеке ишкердик борбору (CIPE) менен биргеликте уюштурулуп, Борбордук Азия өлкөлөрү менен АКШнын ортосундагы аймактык бизнес-диалогду өнүктүрүүгө багытталган.

Иш-чарага жеке сектордун, бизнес-ассоциациялардын жана эксперттик коомчулуктун өкүлдөрү чакырылат.

Катталуунун биринчи этабы 2025-жылдын 26-декабрында, акыркы этабы 2026-жылдын 15-январында аяктайт. Катталуу катышууну дароо тастыктабайт; расмий тастыктоолор арыздар каралып бүткөндөн кийин январь айынын аягына чейин жөнөтүлөт.