Баткенде 22 көмөк чордон капиталдык оңдоодон өткөрүлөт

Баткен электр тармактар ишканасы 2026-жылы 220/110/35 кВ жогорку чыңалуудагы 22 көмөк чордонду капиталдык оңдоодон өткөрөт. Бул иштер Энергетика министрлигинин калкты сапаттуу жана туруктуу электр энергиясы менен камсыз кылуу тапшырмаларынын алкагында жүргүзүлөт. Бул тууралуу ведомстводон билдиришти.

Атап айтканда:

• 220/110/10 кВ “Алай” көмөк чордонунда ОРУ жабдууларынын жерге туташтыруу контуру жаңыланат.
• 110/35/6 кВ “Арка” жана “Жин-Жиган” көмөк чордонунда трансформаторлор алмаштырылат.
• 35/6 кВ “Сүлүктү” көмөк чордонунда тоскучтар (РВС) 35 кВ толкундуу өчүргүчтөргө (ОПН) алмаштырылат.
• 6–10 кВ чыңалуудагы майлуу өчүргүчтөр 8 объектте вакуумдук өчүргүчтөргө алмаштырылат.

Мындан тышкары, электр эсептөө, коргоо жана контролдоо системаларынын тактыгын жогорулатуу максатында бир катар чордондордо ток жана чыңалуу трансформаторлору жаңыланат. Айрым объекттерде эскирген май өчүргүчтөр заманбап элегаздуу же вакуумдук өчүргүчтөргө алмаштырылат.

Баткен электр тармактар ишканасынын көмөк чордондор кызматында жалпы 51 көмөк чордон бар:

• 220/110/35 кВ — 2 даана
• 110/35/10 кВ — 15 даана
• 35/10/6 кВ — 34 даана

Жабдууларды модернизациялоо электр энергиясын бөлүштүрүүнүн ишенимдүүлүгүн жогорулатып, авариялык өчүүлөрдүн алдын алууга мүмкүндүк берет.