Энергетика

Ысык-Көлдө "Тамга–Пржевальск" аба чубалгысы толугу менен жаңыланат

Айгерим Качкынбекова

06 мар. 2026 16:09

Энергетика министрлиги өлкөнүн энергетикалык инфраструктурасын жаңылоо иштерин улантууда. Бул алкакта узундугу 80 чакырымды түзгөн 110 кВ "Тамга–Пржевальск" аба чубалгысы толук реконструкцияланат. Бул тууралуу Энергетика министрлигинен билдиришти.

Аталган аба чубалгы Каракол шаарын, ошондой эле Жети-Өгүз жана Ак-Суу райондорун электр энергиясы менен камсыз кылып келет. Долбоор ишке ашкан соң аймактагы калк, социалдык объектилер жана өндүрүш ишканалары туруктуу жана сапаттуу электр энергиясы менен камсыздалат.

Реконструкциялоо иштерин 2026-жылдын аягына чейин толук аяктоо пландалууда. Бул аралыкта аба чубалгы толугу менен жаңыланып, заманбап техникалык талаптарга жооп берген инфраструктурага айланат.

Мындан тышкары, 2026-жылы 35–110–220 кВ чыңалуудагы жалпы узундугу 1411 чакырымды түзгөн аба чубалгылары техникалык тейлөөдөн өткөрүлөт. 1964-жылдары орнотулган жана эскилиги жеткен 5495 фарфор изолятор заманбап айнек изоляторлорго алмаштырылат. Бул иштер электр энергиясын жеткирүүнүн ишенимдүүлүгүн жогорулатып, авариялык өчүрүүлөрдүн санын кыскартууга багытталган.

Ошондой эле жогорку чыңалуудагы аба чубалгылар кызматтары 13 тирөөчтө суу ташкынына каршы алдын алуу иштерин жүргүзөт. Бул комплекстүү чаралар өзгөчө кырдаалдардын тобокелдигин азайтып, керектөөчүлөрдү үзгүлтүксүз электр энергиясы менен камсыздоого өбөлгө түзөт. Суу ташкынына даярдык иштери жергиликтүү бийлик органдары, ошондой эле өзгөчө кырдаалдар жана өрт коопсуздугу кызматтары менен биргеликте жүргүзүлүүдө.

Мындан тышкары окуңуз

Кыргызстан менен Алжир кызматташтыкты кеңейтүүгө макулдашты

БУУнун Башкы Ассамблеясынын 81-сессиясынын алкагында Тышкы иштер министри Жээнбек Кулубаев Алжирдин Мамлекеттик министри, ТИМ башчысы Ахмед Аттаф менен сүйлөшүүлөрдү өткөрдү. Бул тууралуу министрликтен билдиришти. Маалым болгондой, жолугушууда эки тараптуу жана аймактык күн тартибиндеги актуалдуу маселелер талкууланып, саясий диалогду тереңдетүү жана кызматташтыкты кеңейтүүгө кызыкдарлык билдирилди. Ошондой эле БУУ жана башка

Садыр Жапаров мектептердеги китеп маселесин чечүүгө Жарлыкка кол койду

Кыргызстанда көп жылдан бери чечилбей келген окуу китептеринин жетишсиздиги жана сапаты боюнча чечкиндүү кадам жасалды. Президент Садыр Жапаров "Жалпы билим берүү уюмдарын окуу китептери менен камсыздоо боюнча кечиктирилгис чаралар жөнүндө" Жарлыкка кол койду. Документке ылайык, бул максатка мамлекеттик бюджеттен 8 миллиард 500 миллион сом каралат. Бул соңку жылдардагы

Чүйдө 10 миңден ашуун абонент жарыктан ажыратылат

Чүй электр тармактары ишканасы абоненттерди электр энергиясы үчүн төлөмдөрдү өз убагында төлөөнү эскертти. Бул тууралуу аталган ишканадан билдиришти. Маалыматка ылайык, 28, 29 жана 30-сентябрда АИСКУЭ эсептегичтери Чүй облусунда карызы бар 10 миңден ашуун абонентти аралыктан өчүрөт. Балансты ишкананын сайтындагы "Абоненттин балансы" бөлүмүнөн же "Мой свет» тиркемеси

Нью-Йоркто Кыргызстан менен Гаити ортосунда тарыхый документке кол коюлду

25-сентябрда Нью-Йоркто БУУнун Башкы Ассамблеясынын 81-сессиясынын алкагында Кыргызстандын Тышкы иштер министри Жээнбек Кулубаев менен Гаитинин Тышкы иштер министри Райна Форбен жолукту. Бул тууралуу министрликтен билдиришти. Маалымдалгандай, жолугушууда эки өлкө ортосунда дипломатиялык мамилелерди түзүү жөнүндө Биргелешкен коммюникеге кол коюлду. Министр Кулубаев Кыргызстан Латын Америкасы жана Кариб бассейни өлкөлөрү,