Энергетика

Жалал-Абадда 555 трансформатор оңдолуп, 14ү жаңы орнотулат

Айгерим Качкынбекова

Жалал-Абадда 555 трансформатор оңдолуп, 14ү жаңы орнотулат

Быйыл Жалал-Абад облусунда 6–10/0,4 кВ болгон 555 трансформатор оңдоп-түзөөдөн өткөрүлүп, кошумча 14 жаңы трансформатор орнотулат. Бул тууралуу Энергетика министрлигинен билдиришти.

Маалыматка ылайык, иштер 2026-жылдын март айынан ноябрь айына чейин жүргүзүлөт. Жабдууларды жаңылоо “КУЭТ” ААК тарабынан каржыланып, ал эми иш-чараларды Жалал-Абад электр тармактар ишканасы ишке ашырат.

Оңдоо иштеринин алкагында трансформаторлордун техникалык абалы текшерилип, эскирген тетиктер алмаштырылып, керектүү техникалык тейлөө жүргүзүлөт. Ал эми жаңы трансформаторлорду орнотуу электр энергиясын берүүнүн сапатын жакшыртып, тармактагы жүктөмдү тең салмактоого жана керектөөчүлөрдү туруктуу камсыз кылууга шарт түзөт.

Жаңылоо иштери Аксы, Ала-Бука, Базар-Коргон, Ноокен, Сузак, Токтогул жана Чаткал райондорунда, ошондой эле Кара-Көл, Майлуу-Суу, Таш-Көмүр, Манас шаарларында жана Көк-Арт өрөөнүндө жүргүзүлөт. Бул аймактарда ондогон трансформаторлор оңдолуп, айрым жерлерде жаңы трансформаторлор орнотулат.

Белгиленгендей, Жалал-Абад электр тармактар ишканасынын карамагында облус боюнча жалпысынан 4348 трансформатор бар. Алардын бардыгы жыл аягына чейин этап-этабы менен техникалык тейлөөдөн жана оңдоп-түзөөдөн өткөрүлөт.
Жаңылыктар биздин Телеграмм каналда

Мындан тышкары окуңуз

Аравандагы газоблок заводу толук ишке кирсе, казынага жылына 200 млн сом түшөт

Аравандагы газоблок заводу толук ишке кирсе, казынага жылына 200 млн сом түшөт

Достук айылында 1 млрд сомдук "Араван Газоблок" заводунун курулушу жүрүүдө. Ишкана ишке берилгенден кийин 70 жумуш орду түзүлөт. Бул тууралуу Ош облусундагы президенттин ыйгарым укуктуу өкүлчүлүгү билдирди. Маалыматка ылайык, долбоор 4,82 гектар аянтты камтып, сметалык баасы 1 млрд сомду түзөт. Завод жылына 300 миң куб метр газоблок
Чүйдө жаңы завод-фабрикаларды ачууга даярдык көрүлүүдө

Чүйдө жаңы завод-фабрикаларды ачууга даярдык көрүлүүдө

Чүй облусунда жаңы өндүрүш объектилерин ачууга даярдык көрүү жана аймакка инвестиция тартуу маселелери талкууланды. Бул тууралуу Инвестициялар боюнча улуттук агенттиктен билдиришти. Маалыматка ылайык, Улуттук агенттиктин башчысы Равшанбек Сабировдун тапшырмасы менен агенттиктин башчысынын орун басары Мээримбек Койчуманов Чүй облусундагы жергиликтүү бийлик органдарынын өкүлдөрү менен бир катар жолугушууларды өткөрдү. Жолугушууларда инвесторлор үчүн
Бишкекте бир жер тилкеси беш жолу сатылып, талаш сотко жетти

Бишкекте бир жер тилкеси беш жолу сатылып, талаш сотко жетти

Бишкектин "Рухий-Мурас" конушунда бир жер тилкеси үчүнчү жактар тарабынан беш жолу кайра сатылып, анын айланасында талаш жаралган. Учурда бул боюнча соттук териштирүүлөр жүрүп жатат. Бул тууралуу мэриядан билдиришти. Маалыматка ылайык, кечээ Бишкек шаарынын мэри Айбек Джунушалиев аталган конуштун тургуну менен жолугуп, жер тилкесине байланыштуу маселесин карады. 2006-
Ат-Башыдагы айылдарга күндөн энергия алган чырактар орнотулуп жатат

Ат-Башыдагы айылдарга күндөн энергия алган чырактар орнотулуп жатат

Ат-Башы районунда жолдорду жана айылдардын ички көчөлөрүн жарыктандыруу үчүн күн энергиясы менен иштеген чырактар орнотулууда. Бул тууралуу аймактык өкүлчүлүктөн билдиришти. Маалыматка ылайык, облус башчысы Нурбек Сатаров Ат-Башы–Ача-Кайыңды унаа жолунун 3,5 чакырым аралыгына райондук өнүктүрүү фондунун каражатынын эсебинен орнотулган күн чырактарынын абалын көрдү. Мындан тышкары, "