Быйыл Баткенде жалпы 60 км СИП-2, СИП-3 кабелдери тартылат
Баткен облусунда 2026-2027-жылдардын күз-кыш мезгилине даярдык көрүү максатында электр тармактарын этап-этабы менен жаңылоо иштери башталды. Бул тууралуу Энергетика министрлигинен билдиришти.
Анын алкагында “Кыргызстан УЭТ” ишканасынын Баткен электр тармактары филиалы тарабынан алюминий зымдарды СИП-2 жана СИП-3 өзүн-өзү көтөрүүчү изоляцияланган кабелдерге алмаштыруу иштери жүргүзүлүүдө.
Жалпысынан 2026-жылы облус боюнча 60 чакырымдан ашык 0,4-6/10 кВ электр чубалгылары жаңыланат. Анын ичинде 16,25 чакырым жаңы СИП зымдары тартылып, 43,75 чакырым эски алюминий зымдары реконструкцияланып алмаштырылат.
Иштер Сүлүктү, Лейлек, Баткен, Кадамжай жана Кызыл-Кыя аймактарында жүргүзүлөт. Тактап айтканда, Сүлүктүдө 15,5 км, Лейлекте 6,82 км, Баткенде 12,38 км, Кадамжайда 8,3 км жана Кызыл-Кыяда 17 км зымдар жаңыланат.
Жаңылоо иштери март айынан башталып, ноябрь айына чейин уланат.
Бул иштер калкты сапаттуу жана туруктуу электр энергиясы менен камсыздоого, тармактардын ишенимдүүлүгүн жогорулатууга жана авариялык кырдаалдардын алдын алууга багытталган.
Ошондой эле электр энергиясынын жоготууларын кыскартып, тургундарга үзгүлтүксүз кызмат көрсөтүүнү камсыздайт, - деп айтылат маалыматта.
