Энергетика

Дүйнөлүк көчмөндөр оюнуна карата энергетикалык тармакта даярдык көрүлүүдө

Ишкер Media

24 апр. 2026 10:20

Энергетика министрлигинин тапшырмасына ылайык VI Дүйнөлүк көчмөндөр оюндарын өткөрүүгө даярдык көрүү максатында объекттерди электр энергиясы менен камсыз кылуу жана энергия менен жабдуунун ишенимдүүлүгүн жогорулатуу боюнча комплекстүү иштер жүргүзүлүүдө. Бул тууралуу энергетика министрлигинен билдиришти.

Маалыматка ылайык, Григорьевка айылында 10 кВ чыңалуудагы узундугу 17,7 чакырым болгон жаңы электр берүү чубалгысы заманбап өзүн-өзү көтөрүүчү изоляцияланган зымдар (СИП) менен курулууда. Долбоордун алкагында 535 электр мамылары орнотулуп, 1200 дөн ашык изоляторлор коюлат. Бул өз кезегинде объекттерди туруктуу жана үзгүлтүксүз электр энергиясы менен камсыз кылууга шарт түзөт. Бүгүнкү күндө 200 гө жакын темир бетон мамылар, 636 изоляторлор жана 315 траверсалар орнотулуп бүттү.

Ошону менен катар узундугу 16 чакырым болгон 10 кВ аба чубалгылары реконструкциядан өткөрүлүүдө. Жаңылоо иштеринин жүрүшүндө эски алюминий зымдар жана жыгач мамылар заманбап СИП зымдарына жана темир-бетон мамыларга алмаштырылууда. Бул иштердин алкагында миңге жакын жаңы изоляторлор орнотулат.

Мындан тышкары , "Григорьевка" 110/10 кВ көмөк чордонунда 110 кВ чыңалуудагы эки заманбап элегаздык өчүргүч орнотулат. Жаңы жабдуулар кыска туташуулар болгон учурда автоматтык түрдө өчүрүү функциясына ээ болуп, ошондой эле электр чынжырларын жүктөм алдында кошуу жана өчүрүү үчүн колдонулат. Бул энергетикалык системанын ишенимдүүлүгүн жана коопсуздугун кыйла жогорулатат.

Мындан тышкары окуңуз

Дүйнөдөгү эң бай адамдар кимдер?

Дүйнөдөгү эң бай адам катары акшлык Илон Маск турат. Анын бүгүнкү күндө 957 млрд долларлык байлыгы бар. Илон Масктан кийинки экинчи бай адам катары акшлык Лари Пейдж эсептелет. Ларри Пейдж Google компаниясынын негиздөөчүсү жана мурдагы жетекчиси болуп саналат. Анын жалпы байлыгы 304 млрд долларды түзөт. 3-орунда 283 млрд доллар

Зардалы айылына заманбап үйлөр курулат

Баткен облусунун Зардалы айылында заманбап турак жайлар курулат. Бул тууралуу президенттик администрациянын маалыматтык саясат кызматынын башчысы Дайырбек Орунбеков социалдык тармактагы баракчасынан билдирди. Анын айтымында, мурда жетүүгө кыйын болгон аймактарда жашоо шарттарын жакшыртуу багытында иштер жүрүп жатат. Зардалы айылында акыркы жылдары электр энергиясы тартылып, уюлдук байланыш жана интернет ишке киргизилген, ошондой

КРдагы банктар 4 айда 9,5 млрд сом таза киреше табышкан

КРнын Улуттук банкы өлкөнүн банк секторунун 2026-жылдын 30-апрелине карата өнүгүү тенденцияларын жарыялады. Ага ылайык, көрсөтүлгөн мезгилдин аралыгында 24 коммерциялык банк жана алардын 306 филиалы иштеп турган жана алардын тапкан таза кирешеси 9,5 млрд сомго жеткен. Улуттук банктын билдирүүсүнө караганда, банк системасынын жалпы активдери төрт ай ичинде 28,

Эмгек министрлигинде качкындардын укуктарын коргоо маселеси каралды

24-июнда Эмгек, социалдык камсыздоо жана миграция министринин биринчи орун басары Камчыбек Досматов БУУнун Качкындар иштери боюнча Жогорку комиссарынын башкармалыгынын Борбордук Азиядагы өкүлү Махир Сафарли менен жолугушту. Маалыматка ылайык, жолугушууда Досматов Кыргызстан качкындардын укуктарын коргоо жаатында эл аралык уюмдар менен тыгыз кызматташып келерин белгилеп, Бириккен Улуттар Уюмунун колдоосуна ыраазычылык билдирди.