Токтогул суу сактагычындагы суунун көлөмү 7 млрд кубометрди түздү

1-апрелге карата Токтогул суу сактагычындагы суунун көлөмү 7 млрд кубометрди түздү. Бул тууралуу Энергетика министринин орун басары “Ишеним” депутаттык тобунун жыйынында билдирди.

А.Рысбековдун айтымына караганда, 2026-жылдын 1-январына арата бул көрсөткүч 9,1 млрд кубометр болду. Ал эми 2025-жылы өлкөнүн элект энергиясына болгон муктаждыгы 19 млрд киловатт сааттан ашкан.

“Өз күчүбүз менен болжол менен 15 миллиард киловатт-саат электр энергиясы өндүрүлгөн. Калган жетишпеген бөлүгү импорт аркылуу жабылууда", - деди ал.

Электр энергиясынын тартыштыгын жоюу үчүн күн жана шамал электр станциялары аркылуу кубаттуулукту көбөйтүү жана узак мөөнөттүү долбоорлорду, анын ичинде гидроэлектростанцияларды курууну ишке ашыруу.