Энергетика

Бишкекте Борбор Азия өлкөлөрү энергетика маселесин талкуулашты

Айгерим Качкынбекова

25 апр. 2026 16:46

Бүгүн Бишкек шаарында Кыргызстан, Өзбекстан, Казакстан жана Тажикстандын энергетика тармагына жооптуу мамлекеттик органдарынын өкүлдөрүнүн катышуусунда кезектеги кварталдык жумушчу жыйын болуп өттү. Бул тууралуу Энергетика министрлигенен билдиришти.

Жыйынга энергетика министри Таалайбек Ибраев, “КУЭТ” ААКнын башкы директору И. Сыдыгалиев, “Электр станциялар” ААКнын башкы директору А. Садыров жана министрликтин түзүмдүк бөлүмдөрүнүн жетекчилери катышты.

Өзбекстандан энергетика министри Ж. Мирзамахмудов жеке өзү катышса, суу чарба министри Ш. Хамраев онлайн форматта сөз сүйлөдү. Анын орун басары Зокир Ишпулатов жыйынга оффлайн катышты. Казакстан тараптан энергетика министри Е. Аккенженов жана тиешелүү ведомстволордун өкүлдөрү катышты. Тажикстандын энергетика жана суу ресурстары министри Далер Джума жыйынга онлайн кошулуп, делегациянын башка өкүлдөрү да катышты.

Жыйындын негизги максаты 2026–2027-жылдардагы вегетация мезгилинде аймактагы суу-энергетикалык системалардын туруктуу жана макулдашылган режимде иштөөсүн камсыз кылуу маселелерин талкуулоо болду.

Тараптар аймактагы энергетикалык системалардын өз ара тыгыз байланышын белгилеп, ишенимге негизделген кызматташтыкты мындан ары да өнүктүрүүгө даяр экендиктерин билдиришти. Айрыкча Кыргызстан, Өзбекстан жана Казакстан Токтогул ГЭСиндеги суунун көлөмүн сактоо үчүн координацияланган аракеттерди күчөтүүгө ниеттеништи.

Ошондой эле күз-кыш мезгилинен өтүүнүн жыйынтыктары каралып, энергетикалык жүктөмдөрдү тең салмактоо жана системалардын туруктуу иштешин камсыз кылуу боюнча чаралар талкууланды.

Жыйындын жыйынтыгында тараптар макулдашылган режимдерди ишке ашырууну улантуу, тармактар аралык координацияны чыңдоо жана аймактык энергетикалык кызматташтыкты тереңдетүү боюнча орток пикирге келишти.

Кийинки жолугушуулар 2026-жылдын май айында Ташкент шаарында, ал эми июнь айында Бишкек шаарында өткөрүлөрү белгиленди.

Мындан тышкары окуңуз

Бишкекте филармониянын алдындагы "бийлеген" оргума ишке кирди

Бишкекте Токтогул Сатылганов атындагы Кыргыз улуттук филармониясынын алдындагы жаңыланган фонтандын техникалык ачылышы өттү. Бул тууралуу мэриядан билдиришти. Күн мурун мэр Айбек Жунушалиев Жаштар аллеясында жана филармониянын айланасында жүргүзүлүп жаткан калыбына келтирүү иштеринин жүрүшү менен таанышты. Жаңыланган оргумага сууну тазалоочу заманбап жабдуулар жана жарык-музыкалык тутум орнотулду. Эми анда музыка жана

Борбордогу 20 мектептин курулушун күн сайын көзөмөлдөө тапшырылды

Курулуш, архитектура жана турак жай-коммуналдык чарба министри Нурдан Орунтаев борбор калаада курулуп жаткан 20 мектептин курулушунун жүрүшү боюнча жыйын өткөрдү. Бул тууралуу министрликтин басма сөз кызматы билдирди. Маалыматка ылайык, жыйынга подрядчы уюмдардын жана министрликтин тиешелүү департаменттеринин өкүлдөрү катышты. Анда ар бир мектеп боюнча аткарылган иштер, курулуштун темпи жана алдыда

Ноокенде таштандыны сайга төккөндөргө 35,5 миң сом айып салынды

Ноокен районунда таштандыларды Алаш сайына таштоо жана тиричилик калдыктарын өрттөө фактылары аныкталып, 35 миң 550 сом айып пул салынды. Бул тууралуу Жаратылыш ресурстары министрлигинен билдиришти. Маалыматка ылайык, министрликтин Жалал-Абад регионалдык башкармалыгы Ноокен районундагы эс алуу жана тамактануу жайларында экологиялык талаптардын сакталышын текшерүү максатында ыкчам рейд өткөргөн. Рейд учурунда айрым

Мэрия: Бишкектеги №151 контурда азырынча турак жай курууга болбойт

Бишкек шаарындагы №151 контурда жайгашкан жер тилкелеринин учурдагы максаттуу багыты турак жай курууга мүмкүнчүлүк бербейт. Бул тууралуу шаар мэри Айбек Жунушалиев аталган аймактагы жер тилкелерине байланыштуу маселелер боюнча жарандар менен жолугушууда билдирди. Мэриянын маалыматына ылайык, №151 контурдагы жер тилкелери айыл чарба багытындагы жерлерге кирет. Ошондой эле Бишкектин 2050-жылга чейинки