Бишкекте жаңы объектилерди электр энергиясы менен камсыздоо күчөтүлүүдө
“КУЭТ” ААКнун Бишкек электр тармактар филиалы шаарда жаңы салынып жаткан объектилерди туруктуу электр энергиясы менен камсыздоо боюнча ири иштерди жүргүзүүдө. Бул тууралуу Бишкек электр тармактар ишканасынан кабарлашты.
Маалыматка ылайык, учурда шаар аймагында заманбап кабелдик чубалгылар тартылып жатат. Анда жогорку жүктөмгө туруктуу жана ишенимдүүлүгү жогору болгон АПвБПуг маркасындагы (сшитый полиэтиленден) кабелдер колдонулууда.
Учурда электр линияларын төмөнкү объектилерге тартуу иштери жүрүп жатат:
- электромобилдерди кубаттоо станцияларына — 6 линия
- жаңы автобекеттерге — 2 линия
- Ош базарына — 8 линия
- турак жай комплекстерине — 4 линия
Жалпы эсепте 20 кабель линиясы тартылып, алардын узундугу 46 чакырымга жетет.
