Кыргызстанда 3 айда тоо кендерин, көмүр өндүрүү көбөйдү
2026-жылдын январь–март айларында тоо-кен тармагында өндүрүлгөн продукциянын көлөмү 21 млрд 303 млн 800 миң сомду түздү. Физикалык көлөмдүн индекси 2025-жылдын биринчи чейрегине салыштырмалуу 30,4%га өстү.
Март айында эле ишканалар 6 млрд 694 млн сомдон ашык суммада продукция өндүрүшкөнү Улуттук статистика комитетинын маалыматында айтылат.
Эң жогорку өсүш башка пайдалуу кендерди казуу секторунда байкалып өндүрүү көлөмдөр 2,9 эсеге көбөйдү. Айрыкча шагыл, гравий жана майдаланган таш өндүрүү 699 миң 600 тоннага жетип, өткөн жылга салыштырмалуу 2,6 эсеге өстү.
Табигый кум казуу 84,8%га көбөйүп, дээрлик 296 миң тоннаны түздү.
Металл рудаларын казуу сектору 44,2% өсүштү көрсөттү. Көмүр тармагында да оң динамика сакталууда: казып алуу 1,8%га көбөйдү. Күрөң көмүрдүн көлөмү 16,7%га өсүп (867 миң 500 тоннага чейин), ал эми таш көмүр казуу 28,3%га кыскарды.
Жалпы өсүшкө карабастан, чийки нефть жана жаратылыш газы өндүрүшү 11,9%га азайды. Үч ай ичинде жер казынасын пайдалануучулар 59 миң 100 тонна нефть өндүрүшкөн, бул 2025-жылдын биринчи чейрегине караганда 12,2%га аз.
Жаратылыш газынын көлөмү да 2,1%га кыскарып, 9 млн 400 миң куб метрди түздү.
