Энергетика

Чүйдө "Манас-2" көмөк чордонунун курулушу башталды

Айгерим Качкынбекова

12 мая 2026 16:02

Чүй облусунда энергетикалык инфраструктураны өнүктүрүү алкагында жаңы 110/35/10 кВ “Манас-2” көмөк чордонунун курулушу жүрүп жатат. Бул тууралуу Энергетика министрлигинен билдиришти.

Маалыматка ылайык, энергообъект Сокулук районунун Ак-Жол аймагында курулууда. Долбоор Бишкек шаарынын Фучик көчөсү жана Түндүк айланма жолу тараптагы аймактардын активдүү өнүгүшүнө байланыштуу ишке ашырылып жатат.

Министрлик белгилегендей, учурда бул аймакта электр кубаттуулугунун тартыштыгы байкалууда. Жаңы турак жай конуштарынын, социалдык объектилердин жана бизнес ишканаларынын көбөйүшү кошумча кубаттуулукка болгон муктаждыкты күчөткөн.

Азыркы тапта объектте даярдык жана жер иштери жүргүзүлүп, жерге туташтыруу контуру орнотулууда. Долбоордун алкагында кубаттуулугу 16 МВА болгон күч трансформатору орнотулат.

Жаңы көмөк чордон 2,6–3 миңге жакын абонентти туруктуу электр энергиясы менен камсыз кылат. Ошондой эле Ак-Жол, Манас, Комсомол, Ат-Башы айылдарынын, “Манас” эл аралык аэропортунун жана курулуп жаткан “Семетей” жаңы конушунун электр менен камсыздоо сапатын жакшыртат.

Мындан тышкары, “Манас-2” көмөк чордонунун ишке кириши аймактагы бир катар көмөк чордондор менен электр берүү линияларынын жүгүн азайтууга мүмкүндүк берет.

Долбоордун алкагында жалпы узундугу 3–4 чакырым болгон 110 кВ жана 35 кВ аба электр берүү чубалгылары да курулат.

Энергетика министрлиги белгилегендей, жаңы энергообъект Чүй облусунун энергосистемасынын туруктуулугун жогорулатып, аймактын өнөр жай жана социалдык өнүгүүсүнө өбөлгө түзөт.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”