Дүйнөлүк банк Кыргызстанга жашыл энергетика үчүн 50 млн доллар бөлөт
Жакында Дүйнөлүк банк көмүр кычкыл газынын бөлүнүшүн азайтуу жана экологиялык долбоорлорду колдоо максатында Кыргызстанга 50 млн доллар өлчөмүндө каражат бөлүү чечимин кабыл алды. Бул тууралуу президент Садыр Жапаров Кызыл-Өрүк айылында “ROX Ысык-Көл” күн электр станциясынын ишке киргизүү аземинде билдирди.
Өлкө башчысынын айтымында, бул каражат айлана-чөйрөгө зыяндуу газдардын бөлүнүшүн азайтууга жана жашыл энергетикага өтүүнү ылдамдатууга багытталат.
Ошондой эле президент Кыргызстанда жашыл энергетика тармагын өнүктүрүү иштери мындан ары да улантыларын белгиледи.
