Кыргызстан быйыл 4 млрд кВт сааттан ашык электр энергиясын сатып алат

Кыргызстан 2026-жылы коңшу жана өнөктөш өлкөлөрдөн жалпы 4 млрд 99 млн кВт саат электр энергиясын импорттоо пландалганын Энергетика министри Алтынбек Рысбеков билдирди.

Анын айтымына караганда, импорт ички өндүрүш менен бирге өлкөнүн энергетикалык системасынын туруктуу иштешин камсыздап, керектөөчүлөрдү үзгүлтүксүз электр энергиясы менен камсыздоого багытталган.

Министр ошондой эле электр энергиясын керектөө күн сайын көзөмөлдөнүп жатканын жана күз-кыш мезгилине даярдык көрүү иштери улантылып жатканын белгиледи.