Бишкекте, Кара-Балтада электр энергиясы убактылуу өчүп-күйдү, себеби такталууда
Бүгүн Бишкек шаарында жана өлкөнүн айрым аймактарында электр энергиясы бир нече саатка өчүп, тургундар убактылуу жарыксыз калышты.
«Кыргызстан улуттук электр тармагы» (КУЭТ) ишканасынын маалыматына ылайык, 220 кВ чыңалуудагы «Кара-Балта – Главная» жана «Главная – Шу» аба электр берүү чубалгылары өчкөн.
Мунун натыйжасында керектөөчүлөрдү автоматтык түрдө өчүрүү тутуму ишке кирип, электр энергиясы бир катар аймактарда убактылуу үзгүлтүккө учураган.
Учурда КУЭТтин адистери электр энергиясын калыбына келтирүү иштерин жүргүзүп жаткандыгы жана технологиялык бузулуунун себептери такталып жаткандыгы маалымдалды.
Бишкектин электр жарыгы аварияга учураганда суу дагы токтогондугу маалым болгон. “Бишкек суу канал” ишканасы билдиргендей, учурда адистер насостук станцияларды кол менен ишке киргизип жатышат.
