Электр энергиясына карызы бар 5 миңден ашуун абоненттин жарыгы өчүрүлөт

27-июлда Бишкек шаарында дебитордук карызы бар 5 миңден ашык абонент электр энергиясынан аралыктан ажыратылат. Бул тууралуу Бишкек электр тармактары ишканасынан билдиришти.

Маалыматка таянсак, ыңгайсыздыктарды болтурбоо максатында Бишкек электр тармактары ишканасы абоненттерди электр энергиясы үчүн төлөмдөрдү өз убагында төлөөгө чакырат.

Абоненттер жеке эсебиндеги карызды ишкананын сайтындагы “Абоненттин балансы” бөлүмү аркылуу текшере алышат. Ал эми тиричилик абоненттери “Менин жарыгым” мобилдик тиркемеси аркылуу да балансын биле алышат.