Курсантбек Өмүрбеков Энергетика министринин орун басары болуп дайындалды
Министрлер Кабинетинин төрагасы Адылбек Касымалиевдин тескемеси менен Курсантбек Өмүрбеков Энергетика министринин биринчи орун басары кызмат ордуна дайындалды. Бул тууралуу аталган министрликтен кабарлашты.
Курсантбек Өмүрбеков Энергетика тармагында 20 жылга жакын эмгектенип келет. Бул мезгил аралыгында мамлекеттик башкаруу системасында жана энергетика тармагынын өндүрүштүк багытында бир катар жооптуу кызматтарды аркалаган. 2022-жылы Энергетика министрлигине караштуу энергетикалык көзөмөл кызматынын жетекчиси болуп иштеген. 2024-2025-жылдары Энергетика министринин орун басары кызматын аркалап, кийинчерээк министрдин биринчи орун басары болуп дайындалган. 2025-жылы “Электр станциялары” ачык акционердик коомунун башкы директору кызматында иштеген.
Курсантбек Өмүрбеков эки жогорку билимге ээ:
2003–2008-жылдары – И. Раззаков атындагы Кыргыз мамлекеттик техникалык университетин аяктаган, адистиги – “Инженер-энергетик”
2022–2024-жылдары – Ж. Баласагын атындагы Кыргыз улуттук университетинин “Менеджмент” багыты боюнча магистратурасын аяктаган.
