Энергетика

Оштун “Төлөйкөн” көмөк чордонунда 40 миң кВАлык трансформатор орнотулат

Уулжан Бейшенбекова

Оштун “Төлөйкөн” көмөк чордонунда 40 миң кВАлык трансформатор орнотулат

Ош электр тармактары ишканасына 40 миң кВА кубаттуулуктагы трансформатор  алып келинди. Бул тууралуу аталган мекемеден билдиришти.

Жабдуу электр энергиясына өсүп жаткан суроо-талапты камсыз кылуу жана тармактагы жүктү азайтуу максатында орнотулат.

Жаңы трансформатор Кытайдан "КУЭТ" ААКнын каржылоосу менен жеткирилип, Ош шаарындагы 110/35/10 кВ “Төлөйкөн” көмөк чордонундагы 25 миң кВА кубаттуулуктагы трансформатордун ордуна коюлат.

Аны орнотуу менен Ош шаарынын батыш бөлүгүндөгү Төлөйкөн, Анар, Черёмушки, Кулатов кичи райондорунун, ошондой эле Кызыл-Кыштак айыл аймагынын жана бир катар жаңы конуштардын тургундары жарык менен ишенимдүү камсыз болот.

Мындан тышкары, жаңы курулуп жаткан көп кабаттуу турак жайлар, социалдык объектилер, өндүрүш жана тейлөө жайлары үчүн электр кубаттуулугу жогорулайт. Бул аймакта жаңы Ош базары жана "Эне-Сай" турак жай комплекси сыяктуу ири объектилер жайгашкан.

Учурда трансформаторду орнотууга даярдык көрүлүп жатат.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!
Жаңылыктар биздин Телеграмм каналда

Мындан тышкары окуңуз

Аравандын Сырт айылына 109 млн сомдук мектеп курулууда

Аравандын Сырт айылына 109 млн сомдук мектеп курулууда

Курулуш, архитектура жана турак жай-коммуналдык чарба министрлиги тарабынан Ош облусунун Араван районунун Сырт айылында жаңы мектептин курулушу жүрүүдө. Долбоор республикалык бюджеттин эсебинен каржыланып, жалпы наркы 109 миллион сомду түзөт. Курулуш, архитектура жана турак жай-коммуналдык чарба министрлигинин маалыматына ылайык, мектеп заманбап талаптарга жооп берген эки кабаттуу имарат болуп курулду.
Кыргызстанды күйүүчү май менен камсыздаган компаниялардын өкүлдөрү менен жолугушуу болду

Кыргызстанды күйүүчү май менен камсыздаган компаниялардын өкүлдөрү менен жолугушуу болду

Министрлер Кабинетинин төрагасынын орун басары Эрлист Акунбеков Кыргызстанда күйүүчү-майлоочу материалдар менен иш жүргүзгөн компаниялардын жетекчилери менен жолукту. Бул тууралуу президенттик админстрациядан маалымдашты. Маалыматка ылайык, отурумда негизинен өлкөгө мунай заттарын импорттоо боюнча түзүлгөн жаңы келишимдердин аткарылышы, ички жана эл аралык рыноктордо күйүүчү-майлоочу материалдар боюнча түзүлүп жаткан жалпы кырдаал каралды.
Милиция Бакай-Атада ок атуучу курал ээлерине коопсуздук талаптарын эскертти

Милиция Бакай-Атада ок атуучу курал ээлерине коопсуздук талаптарын эскертти

Бакай-Ата районунда милиция кызматкерлери ок атуучу куралы бар жарандарды текшерди. Бул тууралуу аймактык ички иштер бөлүмүнөн билдиришти. Маалыматка ылайык, тескөөчүлөр каттоодо турган курал ээлеринин үйлөрүнө барып, куралдарды сактоо шарттарын, коопсуздук талаптарынын сакталышын жана уруксат берүүчү документтердин мөөнөтүн текшеришти. Текшерүү учурунда жарандарга ок атуучу куралдарды сактоо, алып жүрүү жана колдонуу
Адылбек Касымалиев: Жер эч качан сатылбайт

Адылбек Касымалиев: Жер эч качан сатылбайт

Кыргызстан экономикалык өсүштүн жогорку темпин сактап калуу үчүн миллиарддаган доллар көлөмүндөгү чет элдик инвестицияларга муктаж. Бул тууралуу Министрлер Кабинетинин төрагасы Адылбек Касымалиев билдирди. Анын айтымына караганда, коомчулуктун айрым өкүлдөрү чет элдик компаниялардын келишине тынчсыздануу менен карашат. Алар инвесторлор жерге ээлик кылып алышы же жергиликтүү тургундарды сүрүп чыгарышы мүмкүн деп кооптонушат.