Сауд Арабиясы Кыргызстанда мектептерди куруу үчүн 50 млн доллар насыя бөлөт

Ишкер Media

26 янв. 2026 16:03

Долбоордун II фазасынын алкагында Сауд Арабиясы Бишкек шаарында жана Чүй облусунда мектептерди курууга 50 млн доллар бөлөт. Бул тууралуу Жогорку Кеңештин эл аралык иштер, коргоо, коопсуздук жана миграция боюнча комитетинин жыйынында курулуш, архитектура жана турак жай-коммуналдык чарба министринин орун басары Самат Жантелиев билдирди.

Маалымат 2025-жылдын 9-октябрында Бишкек шаарында кол коюлган "Кыргыз Республикасы менен Сауд өнүктүрүү фонду ортосундагы “Мамлекеттик мектептерди куруу” долбоору (II фаза) боюнча Кредиттик макулдашууну ратификациялоо жөнүндө" мыйзам долбоорун талкуулоо учурунда айтылды.

Анын айтымында, кредиттик каражаттар 25 жылдык мөөнөткө доллар менен берилет жана Бишкек шаарында беш жаңы мектепти, ошондой эле учурдагы мектептерге жети кошумча окуу корпусун курууга, мындан тышкары Чүй облусунда 150 орундуу жана 1 миң окуучуга чейин эсептелген эки жаңы мектепти курууга багытталат.

Долбоорду ишке ашыруу 2026-жылга пландалып, 2029-жылы аяктайт. Анын ичинде эки жыл курулуш иштерине, ал эми бир жыл кепилдик мөөнөткө каралган.

Министрдин орун басарынын айтымында, долбоордун биринчи фазасы мурда ийгиликтүү ишке ашырылган.
"Бул макулдашууну ишке ашыруунун негизги максаты — сапаттуу билим алууга бирдей жеткиликтүүлүктү камсыз кылуу жана мамлекеттик мектептерди куруу аркылуу социалдык инфраструктураны жакшыртуу", — деп кошумчалады Самат Жантелиев.

Мындан тышкары окуңуз

Ош облусу менен Кытайдын жаңы кызматташтык багыттары талкууланды

Президенттин Ош облусундагы ыйгарым укуктуу өкүлү Аманкан Кенжебаев 13-августта Кытайдын Ош шаарындагы Башкы консулу Ли Минчэ менен жолугушту. Бул тууралуу аймактык өкүлчүлүктүн басма сөз кызматы билдирди. Маалыматка ылайык, жолугушууда кыргыз-кытай достук мамилелерин жана аймактар аралык кызматташтыкты мындан ары бекемдөө боюнча пикир алмашуу болду. Аманкан Кенжебаев Ли Минчэни жаңы

Бишкекте дизайн-кодго туура келбеген жарнамалар алынды

Бишкектин Ленин районунда өз алдынча орнотулган жарнамалык конструкцияларды демонтаждоо жана башаламан жайгашкан электр, интернет кабелдерин иретке келтирүү иштери жүргүзүлдү. Бул тууралуу мэриядан билдиришти. Маалыматка ылайык, иштер 11-августта Чүй проспектисинин Павлов, К. Кулиев жана Б. Бейшеналиева көчөлөрү менен кесилишкен тилкелеринде жүргүзүлгөн. Ошондой эле Манас көчөсүнөн Иманалы Айдарбеков көчөсүнө чейинки аралык

"Сары-Челек" коругунда жаңы өткөрмө бекети курула баштады

"Сары-Челек" мамлекеттик биосфералык коругунда өткөрмө бекетинин пайдубалына мезгил кутусу салынды. Бул тууралуу Жаратылыш ресурстары министрлигинин басма сөз кызматы билдирди. Маалыматка ылайык, ачылыш аземге Жаратылыш ресурстары, экология жана техникалык көзөмөл министринин биринчи орун басары Жеңиш Сейдалиев, коруктун кызматкерлери, жергиликтүү өз алдынча башкаруу органдарынын өкүлдөрү жана жаратылышты коргоо тармагынын

Электрондук эсеп-фактураларды тариздөө тартибин өзгөртүү сунушталууда

Мамлекеттик салык кызматы электрондук эсеп-фактураларды (ЭЭФ) тариздөө жана колдонуу тартибине өзгөртүүлөрдү киргизүү сунушун коомдук талкууга койду. Долбоор салык мыйзамдарындагы акыркы өзгөртүүлөргө ылайыкташтыруу жана салыктык башкарууну санариптештирүүнү өркүндөтүү максатында даярдалган. Долбоорго ылайык, ЭЭФти толтурууда көрсөтүлүүчү милдеттүү маалыматтар такталууда. Анын ичинде: * товарды, жумушту же кызматты сатуучунун жана сатып алуучунун идентификациялык номери,