Коом

ӨКМ: Тоңгон көлмөлөрдөгү муз жарылып кетиши мүмкүн, этият болуңуз

Айгерим Качкынбекова

04 янв. 2026 19:04

Өзгөчө кырдаалдар министрлиги жарандарды көлмөлөрдүн үстүнө тоңгон музда өзгөчө этият болууга чакырат.

Министрликтин маалыматына ылайык, кыш мезгилинде муз үстүндө коопсуздук эрежелерин сактабагандыктан кырсыктардын катталуу коркунучу жогору. Андыктан адистер төмөнкү талаптарды так аткарууну эскертет.

Тактап айтканда, тоңгон көлмөлөргө эч качан жалгыз барбоо зарыл. Муздун бекемдигин текшерүү үчүн аны бут менен тепкилөө кооптуу. Кар баскан муздун алдында көзгө көрүнбөгөн жаракалар жана тешиктер болушу мүмкүн. Атүгүл аба ырайы катуу суук болгон күндөрү да муз жука болуп, күтүүсүз жарылып кетиши ыктымал.

Калыңдыгы 5 сантиметр болгон муз чоң кишинин салмагын көтөрө албайт. 10 сантиметр музда балык уулоого мүмкүн болгону менен, анын үстүндө басууга болбойт. Ал эми 12 сантиметр калыңдыктагы муз кар унаасынын (снегоход) жүрүшүнө жарактуу. 20–30 сантиметр муз жеңил унааны, 30–38 сантиметр калыңдыктагы муз жүк ташуучу унааны көтөрө алат.

Ошондой эле муздун үстүнө кар жааган учурда, туман түшкөндө жана караңгы мезгилде көлмөлөргө чыгуу кооптуу.

Өзгөчө кырдаалдар министрлиги жарандарды өз өмүрүнө жана коопсуздугуна кайдыгер карабоого, муз үстүндөгү коопсуздук эрежелерин так сактоого чакырат.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”