Коом

Таксилердин лицензиясын текшерүү 2-февралдан башталат

Айгерим Качкынбекова

04 янв. 2026 16:38

Кыргызстанда такси кызматын көрсөткөн айдоочулардын лицензиясын текшерүү жана рейддер 2-февралдан тарта жүргүзүлө баштайт. Бул тууралуу ИИМдин Жол кыймылынын коопсуздугун камсыздоо башкы башкармалыгы (ЖКККББ) маалымдады.

Маалыматка ылайык, такси айдоочуларына лицензия алуу мөөнөтү 2026-жылдын 1-февралына чейин узартылган. Ошондуктан айдоочулар бул убакытка чейин тиешелүү уруксат кагазын алып үлгүрүшү керек.

ЖКККББ такси айдоочуларын лицензияны акыркы күндөргө калтырбай, азыртан алуу зарылдыгын эскертүүдө. Азыркы тапта лицензия берүү кызматы бардык аймактарда үзгүлтүксүз жана тез көрсөтүлүп жатат. Бирок мөөнөт аяктоого жакындаган сайын кезек көбөйүп, ыңгайсыздыктар жаралышы мүмкүн.

Белгилей кетсек, 2025-жылдын 22-августунан тарта такси кызматын көрсөткөн айдоочулар үчүн лицензия алуу милдеттүү болуп, оң рулдуу унаалар менен жүргүнчү ташууга тыюу салынган мыйзам күчүнө кирген.

Жаңы талапка ылайык, такси кызматында лицензиясы бар айдоочулар гана иштей алышат. Лицензиянын акысы жеке жактар үчүн жылына 500 сом, юридикалык жактар үчүн 1000 сомду түзөт.

Лицензиясы жок такси кызматын көрсөткөн жеке айдоочуларга 7 500 сом, юридикалык жактарга 23 миң сом айып салынат.

Лицензия кеминде үч жыл айдоочулук тажрыйбасы бар, жыл сайын медициналык текшерүүдөн жана техникалык кароодон өткөн, соттолбогон айдоочуларга берилет. Ошондой эле мыйзамга ылайык, оң рулдуу унаалар такси катары иштей албайт.

Мындан тышкары окуңуз

Депутат окуучулардын тамактануусун 50 сомго чейин көтөрүүнү сунуштады

Махабат Мавлянова Жогорку Кеңеш жыйынында Кыргызстанда мектеп тамактануусун каржылоону көбөйтүү жана тендерлерге жергиликтүү өндүрүүчүлөрдүн катышуусун камсыз кылуу зарылдыгын айтты. Анын айтымында, эл аралык уюмдардын маалыматына ылайык, өлкө калкынын 26%ы жакырчылыкта жашайт, ал эми 41%ы жетиштүү жана толук кандуу тамактанууга мүмкүнчүлүгү жок. Депутат учурда 4-класска чейин окуучулардын ысык тамагына

Кыргызстанда ККЭБ үчүн жабдууларды импорттоо тизмеси кеңейтилди

Министрлер Кабинети кайра калыбына келүүчү электр жабдыктары (ККЭБ) тармагындагы долбоорлор үчүн импорт учурунда кошумча нарк салыгынан (КНС) бошотула турган товарлардын жана жабдуулардын тизмесин кеңейтти. Өзгөртүүлөр 2021-жылдын 4-октябрындагы №196 токтомуна киргизилди. Бул чечим кайра калыбына келүүчү энергия секторун өнүктүрүү үчүн кошумча шарттарды түзүүгө багытталган. Документке ылайык, жеңилдетилген импорт тизмеси ондогон жаңы

Мамлекеттик органдарды, ЖОЖдорду Токмокко көчүрүү демилгеленди

Жогорку Кеңештин депутаты Медербек Саккараев жыйын учурунда айрым жогорку окуу жайларын Токмок шаарына көчүрүү демилгесин көтөрдү. Эл өкүлү көптөгөн өлкөлөрдө атайын студенттик шаарчаларды түзүү тажрыйбасы бар экенин белгиледи. "Эгерде биз Токмокту студенттик шаарчага айландырсак, бул абдан жакшы болот, себеби ал борбор калаага жакын жайгашкан. Ошондой эле айрым мамлекеттик органдарды,

Баткенде 133 жаран чакан ишкерликти өнүктүрүү үчүн грант алат

Баткен облусунда 133 жаран ишкердикти өнүктүрүү үчүн грант алат. Бул тууралуу президенттин аймактагы өкүлчүлүгүнөн билдиришти. Маалыматка ылайык, кайтарымсыз жардам Министрлер Кабинети менен Дүйнөлүк банктын ортосунда жетишилген макулдашууларга ылайык берилүүдө. Чакан жана орто бизнести колдоого багытталган кичи гранттар программасы АРИС уюму тарабынан ишке ашырылууда. Бүгүн аталган долбоордун алкагында сынактан ийгиликтүү өткөн