Коом

АКШ визасы: кыргызстандыктар үчүн 15 миң долларга чейин кепилдик киргизилди

Айгерим Качкынбекова

АКШ визасы: кыргызстандыктар үчүн 15 миң долларга чейин кепилдик киргизилди

АКШга барууну пландаган Кыргызстандын жарандары эми 5 миң доллардан 15 миң долларга чейинки кошумча төлөм төлөшү мүмкүн. Бул тууралуу Мамлекеттик департаменттин сайтында маалымдалды.

Маалыматка ылайык, сөз кепилдик визалык төлөм — visa bond тууралуу болуп жатат. Жаңы талап B-1 жана B-2 категориясындагы визаларга, башкача айтканда иш сапар, туристтик жана жеке максаттагы сапарларга карата колдонулат.

АКШ бийлиги визанын мөөнөтүн бузуу коркунучу жогору деп эсептелген өлкөлөр үчүн бул тартипти киргизип, учурда алардын саны 38ге жеткен. Алгач тизмеге 13 өлкө кирсе, кийин дагы 25 мамлекет кошулган. Анын ичинде быйыл 21-январдан тарта Кыргызстан да расмий түрдө тизмеге киргизилди. Кыргызстан менен катар Тажикстан жана Түркмөнстан да кошулган.

Visa bond талабы коюлган жарандар АКШга кирүүдө кошумча шарттарды аткарууга тийиш. Тактап айтканда, алар өлкөгө алдын ала белгиленген үч эл аралык аэропорт аркылуу гана кире алышат. Алар — Вашингтондогу Даллес, Бостондогу Логан жана Нью-Йорктогу Жон Кеннеди атындагы аба майдандары.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”