Коом

Өткөн жылы айыл чарба тармагында 1 200дөн ашык жумуш орду түзүлдү

Айгерим Качкынбекова

Өткөн жылы айыл чарба тармагында 1 200дөн ашык жумуш орду түзүлдү

2025-жылдын жыйынтыгы менен кооперация, кайра иштетүү, логистика жана механизация (МТС) тармактарында олуттуу ийгиликтерге жетишилди. Айыл чарба инфраструктурасы кеңейип, өндүрүш көлөмү өсүп, жаңы жумуш орундар түзүлдү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.

Учурда өлкөдө 483 кайра иштетүүчү ишкана иштеп жатат, алардын 39у 2025-жылы ачылган. Мындан тышкары, 5 200 чакан ишкана бар, анын 61и жаңы түзүлгөн. Логистика тармагында 40 соода-логистикалык борбор, 264 жашылча сактоочу кампа жана 115 мал союу пункту ишке кирди.

Продукциянын сапатын жогорулатуу максатында 56 ишканада эл аралык сапат стандарттары киргизилди. Айыл жеринде биригүү процесси активдешип, учурда 821 айыл чарба кооперативи иштеп жатат, анын 68и жаңы түзүлгөн.

Механизация багытында дыйкандарга олуттуу колдоо көрсөтүлүп, 9 079 даана айыл чарба техникасы лизинг аркылуу берилди. Анын жалпы суммасы 25,2 млрд сомду түздү. Ошондой эле республика боюнча 186 машина-трактор станциясы (МТС) иштеп жатат.

Бул иштердин натыйжасында тармакта жалпысынан 31 276 жумуш орду түзүлүп, анын 1 264ү жаңы жумуш орундар болду.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”