Коом

ИИМ Ошто “Эмаком” компаниясынан жабыр тарткандар менен жолугушуу өткөрдү

Айгерим Качкынбекова

ИИМ Ошто “Эмаком” компаниясынан жабыр тарткандар менен жолугушуу өткөрдү

Ички иштер министринин орун басары, милициянын генерал-майору Эркебек Аширходжаев Ош шаарынын Ички иштер башкармалыгында “Эмаком” курулуш компаниясынан жабыр тарткан жарандар менен жолугушту. Бул тууралуу ИИМдин басма сөз кызматынан билдиришти.

Иш-чарага Ош ШИИБдин башчысы Дамир Исаков, тийиштүү кызматкерлер, компаниянын мурдагы директору Э.Р. Жусупов жана 80ден ашуун жабыр тарткан жарандар катышты.

Жарандар компаниянын камактагы мүлктөрүн колдонуп курулуш объектилерин бүткөрүү, чыгымдарды өндүрүү, ошондой эле бир батирди бир нече адамга сатуу сыяктуу фактылар боюнча чара көрүүнү талап кылышты.

Министрдин орун басары бардык арыз-даттануулар толук текшерилерин, козголгон кылмыш ишинин алкагында компаниянын директору камакка алынып, тергөө иштери уланып жатканын билдирди. Курулуш объектилери текшерилип, аныкталган мыйзам бузууларга укуктук баа берилет.

Ошондой эле компаниянын мурдагы директорунун социалдык тармактардагы билдирүүлөрү боюнча да текшерүү жүргүзүлүп жатканы маалымдалды.
Жаңылыктар биздин Телеграмм каналда

Мындан тышкары окуңуз

Бишкетеги Киев көчөсүнүн бир бөлүгү жабылат

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”