Коом

Кара-Суудагы Савай айылында ирригация маселеси быйыл толук чечилет

Айгерим Качкынбекова

05 мар. 2026 09:25

Суу ресурстары, айыл чарба жана кайра иштетүү өнөр жайы министрлигинин кеңешме-жыйынында Ош облусунун Кара-Суу районуна караштуу Савай айыл аймагындагы ирригация маселеси толугу менен чечилери белгиленди. Бул тууралуу министрдин орун басары, Суу ресурстары башкармалыгынын башчысы Алмаз Жээналиев билдирди.

Анын айтымында, Савай айылындагы коллектор-дренаж тармагын калыбына келтирүү боюнча иштер Эл аралык кызматташтык алкагында жүргүзүлүүдө.

2025-жылы көп жылдан бери чечилбей келген маселе Кыргыз Республикасы менен Өзбекстандын ортосундагы сүйлөшүүлөрдүн жыйынтыгында оң чечимин тапты. Биргелешкен аракеттердин негизинде суу агымын калыбына келтирүүгө шарт түзүлдү.

Долбоордун алкагында Өзбекстан тарап 10 чакырым коллекторду тазалап, үч даана дюкерди толук ачып, суу агымын калыбына келтирди.

Ал эми "Гидрогеология" мамлекеттик мекемеси Кыргыз Республикасынын балансындагы 23,3 чакырым коллектор-дренаж тармагын механикалык тазалоо иштерин жүргүзүүдө. Учурда анын 11,6 чакырымы тазаланып, калган 11,7 чакырымын тазалоо иштери 2026-жылга пландалган.

Министрликтин маалыматына ылайык, Савай айыл аймагындагы ирригация маселеси 2026-жылдын ичинде толугу менен чечилип, айыл чарба жерлерин туруктуу сугат менен камсыз кылууга мүмкүнчүлүк түзүлөт. Бул өз кезегинде фермерлерге айыл чарба продукциясынын көлөмүн жана сапатын жогорулатууга шарт түзөт.

Аталган долбоор Кыргызстан менен Өзбекстандын ортосундагы кызматташтыктын натыйжасында ишке ашып, региондогу суу ресурстарын натыйжалуу жана туруктуу башкарууга өбөлгө түзөт.

Мындан тышкары окуңуз

Кыргызстан менен Өзбекстандын соода жүгүртүүсү 1 млрд доллардан ашты

23-июнда Чолпон-Ата шаарында Кыргызстан менен Өзбекстандын ортосунда өкмөттөр аралык эки тараптуу кызматташуу боюнча биргелешкен комиссиясынын 12-жыйыны тар жана кеңейтилген курамда болуп өттү. Бул тууралуу президенттик админстрациянын маалыматтык саясат бөлүмүнөн билдиришти. Маалыматка ылайык, Министрлер Кабинетинин Төрагасы Адылбек Касымалиев жана Өзбекстандын премьер-министри Абдулла Ариповдун төрагалыгы астында болду. Отурумда

Абдупата Маткаликов Мамлекеттик өнүктүрүү банкынын мүчөсү болду

Манас шаарынын мурдагы мэри Абдупата Маткаликов Мамлекеттик өнүктүрүү банкынын директорлор кеңешинин курамына кирди. Анын талапкерлигин Жогорку Кеңештин бюджет, экономика жана фискалдык саясат боюнча комитети колдоду. Абдупата Маткаликов Манас шаарынын мэри болуп төрт ай иштегенден кийин президенттин жарлыгы менен кызматынан бошотулду. Ал мэрлик кызматка 2026-жылдын 20-февралында дайындалган. Кыргызстандын экономика,

Токмоктогу ок атуу менен коштолгон жаңжал боюнча тергөө башталды

22-июнда Токмок шаарындагы "Гавайи" эс алуу борборунун аймагында 22 адамдын катышуусунда ок атуу менен коштолгон жаңжал болду. Бул тууралуу Чүй облустук Ички иштер башкармалыгы билдирди. Маалыматка ылайык, жаштар арасындагы пикир келишпестик алгач кайым айтышуудан башталып, кийин мушташка айланган. Андан соң катышуучулар бири-бирин унаалар менен кууп жөнөшкөн.

“Лейлек Сүт” ишканасы күнүнө 600 литр сүттү кайра иштетүүдө

Ветеринария, мал чарбасын өнүктүрүү, жайыт жана тоют кызматынын жетекчиси Адилет Сотовалдиев Лейлек районунун Кулунду айыл өкмөтүндө жайгашкан “Лейлек Сүт” сүттү кайра иштетүү ишканасынын ишмердүүлүгү менен таанышты. Айыл чарба министрлигинин маалыматына ылайык, иш сапардын жүрүшүндө жетекчи ишкананын өндүрүштүк мүмкүнчүлүктөрүн, жабдууларынын абалын жана чыгарылып жаткан продукциялардын түрлөрүн көрүп чыкты. Ишкананын өндүрүштүк кубаттуулугу