Коом

Бишкекте жаратылыш ресурстары тармагына жаңы административдик хаб курулууда

Айгерим Качкынбекова

Бишкекте жаратылыш ресурстары тармагына жаңы административдик хаб курулууда

Жаратылыш ресурстары, экология жана техникалык көзөмөл министрлиги Чүй облусу жана Бишкек шаары үчүн бирдиктүү административдик мейкиндик түзүү долбоорун ишке ашырууда. Анын алкагында үч кабаттуу жаңы имараттын курулушу белгиленген графикке ылайык жана заманбап экологиялык стандарттарды сактоо менен жүрүүдө.

Жаңы имаратка Чүй регионалдык башкармалыгы, Бишкек–Аламүдүн башкармалыгы жана техникалык көзөмөл кызматынын аймактык бөлүмдөрү жайгаштырылат. Бул мекемелердин бир жерде иштеши өз ара аракеттенүүнү жакшыртып, жарандардын кайрылууларын кароо мөөнөтүн кыскартууга мүмкүндүк берет. Ошондой эле кызматкерлер үчүн заманбап эмгек шарттары түзүлүп, мамлекеттик кызмат көрсөтүүлөрдүн сапаты жогорулайт.

Объектке болгон иш сапарынын жүрүшүндө министр Акыл Токтобаев курулуш иштеринин жүрүшү менен таанышып, курулуш технологияларын жана коопсуздук талаптарын так сактоону тапшырды.

Белгилей кетсек, долбоор 2025-жылдын октябрь айында башталган. Ал министрликтин ишин санариптештирүү жана оптималдаштыруу багытындагы маанилүү кадамдардын бири болуп эсептелет жана аймак тургундары үчүн мамлекеттик кызматтарды жеткиликтүү кылууга багытталган.

Жаңылыктар биздин Телеграмм каналда

Мындан тышкары окуңуз

Эл аралык уюмдар Кыргызстандын суу тармагына 172 млн доллар бөлөт

Эл аралык уюмдар Кыргызстандын суу тармагына 172 млн доллар бөлөт

Эл аралык каржы уюмдары жана өнүктүрүү боюнча өнөктөштөр Кыргызстандын сугат тутумун жаңылоо үчүн жалпысынан 172 миллион доллар бөлөт. Бул тууралуу "The Times of Central Asia" басылмасы жазды. Маалыматка ылайык, каражат өлкөдөгү сугат каналдарын жана ирригациясын жакшыртууга багытталат. Долбоор суу ресурстарын натыйжалуу пайдаланууга, дыйкандарды сугат суу менен туруктуу камсыз
Садыр Жапаров иш сапары менен Нарын облусуна барат

Садыр Жапаров иш сапары менен Нарын облусуна барат

Президент Садыр Жапаров 23-июнда, Нарын облусуна иш сапар менен барат. Бул тууралуу президенттин басма сөз катчысы Аскат Алагөзов билдирди. Маалыматка ылайык, Мамлекет башчысы аймактын тургундары менен жолугушуп, ири инфраструктуралык, турак жай жана социалдык долбоорлордун ишке ашырылышы менен таанышмакчы. Мындан тышкары, Президент жергиликтүү бийлик органдарынын жетекчилеринин Нарын облусунун учурдагы социалдык-
Ак-Кудук айыл өкмөтүнө 68 миң сом айып пул салынды

Ак-Кудук айыл өкмөтүнө 68 миң сом айып пул салынды

Чүй облусунун Ысык-Ата районуна караштуу Ак-Кудук айыл өкмөтүндө мыйзамсыз таштанды талаасы аныкталып, 68 миң сом өлчөмүндө айып пул салынды. Бул тууралуу Жаратылыш ресурстары, экология жана техникалык көзөмөл министрлигинин басма сөз кызматы билдирди. Жооптуу тарапка аныкталган мыйзам бузууларды жоюу боюнча эскертүү баракчасы тапшырылып, тиешелүү талаптарды белгиленген мөөнөттө аткаруу милдеттендирилди.
Президент дипломаттарга жана авиаторлорго сыйлык тапшырды

Президент дипломаттарга жана авиаторлорго сыйлык тапшырды

Президент Садыр Жапаров 22-июнда, Ысык-Көл облусунун Чолпон-Ата шаарында мамлекеттик сыйлыктарды тапшыруу аземине катышты. Бул тууралуу президенттик админстрациянын маалыматтык саясат бөлүмүнөн билдиришти. Маалыматка ылайык, Мамлекет башчысы Кыргызстандын эл аралык аренадагы позициясын бекемдөөгө олуттуу салым кошкон дипломаттарды жана авиаторлорду сыйлады. Президент иш-чарада сүйлөгөн сөзүндө Кыргызстан өзүнүн эгемендик тарыхындагы