Өткөн жылы экологияны булгагандардан 973 млн сом өндүрүлгөн

Өткөн жылы экологияны булгагандардан 973 млн сом өндүрүлгөн

2025-жылы курчап турган чөйрөнү булгагандардан 973 млн 350 миң сом каражат жыйналды. Бул тууралуу Жогорку Кеңештин комитет жыйынында жаратылыш ресурстары, экология жана техникалык көзөмөл министринин орун басары Асел Райымкулова билдирди.

Анын айтымында, каражаттарды жыйноо планы 199,8%га аткарылып, белгиленген көрсөткүчтөн дээрлик эки эсеге көп каражат түшкөн.

Топтолгон каражаттар министрликтин атайын эсебине которулуп, материалдык-техникалык базаны чыңдоого багытталган. Анын алкагында Бишкек, Чолпон-Ата жана Талас шаарларындагы административдик имараттар оңдоп-түзөөдөн өттү.

Ошондой эле Ысык-Көлдө жаныбарларды реабилитациялоо борборунун курулушу башталып, министрлик үчүн 38 кызматтык унаа жана 4 моторлуу кайык сатып алынган.

Мындан тышкары, браконьерликке жана экологиялык мыйзам бузууларга каршы күрөштү күчөтүү максатында фототузактар, дрондор, видеофиксаторлор, кесипкөй дүрбүлөр, GPS-навигаторлор жана башка керектүү техникалар алынган.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Улуттук банк төлөм уюмуна айып пул салды

Айыл чарба министрлигинде 1000 күндүк планды ишке ашыруу маселелери боюнча кеңешме өттү

Быйыл 10 айда мамлекеттик бюджетке 669,6 миллиард сом киреше түштү

Корумду – Балбай баатыр жолунун курулушу 91%га аяктады

Эмгек кодексине өзгөртүү киргизилди