Апрель айында бардык мугалимдердин маянасы 100% жогорулайбы?
Кыргызстан боюнча мектеп мугалимдери 2026-жылдын апрелинде STEM багытындагы сабактарды жана англис тилин окуткан мугалимдерге гана көбөйүшү мүмкүн деген маалыматты Агартуу министрлиги четке какканын Kaktus.media жазды.
Министрликтин маалыматы боюнча, Садыр Жапаровдун тапшырмасына ылайык 2026-жылдын 1-апрелинен тартып билим берүү тармагындагы кызматкерлердин айлыгы азыркы деңгээлге салыштырмалуу 100% көбөйөт.
Белгиленгендей, айлык акы бардык мугалимдерге — кайсы сабакты окутканына карабастан — бирдей көбөйтүлөт.
Ошондой эле айлык STEM мугалимдерине гана көбөйөт, ал эми тарых, кыргыз тили же география мугалимдерине көбөйбөйт жана бул сабактардын сааттары кыскартылат деген маалымат чындыкка дал келбейт деп белгиленди.
Эске салсак, мугалимдердин айлыгы акыркы жолу 2022-жылдын апрель айында көбөйгөн. Ошондо айлык эсептөө системасы өзгөртүлүп, мугалимдер саат боюнча эмес, ставка боюнча айлык ала баштаган. Ошондой эле жүктөмдүн жогорку чеги киргизилген.
Азыркы учурда мугалимдердин орточо айлык акысы болжол менен 26 миң сомду түзөт. Кийинки айлык көбөйтүү 2026-жылдын апрель жана октябрь айларында күтүлүүдө.
