Коом

Республикада мал ылаңдарына каршы жазгы алдын алуу иштери башталды

Айгерим Качкынбекова

17 мар. 2026 11:56

Республика аймагында мал ылаңдарына каршы жазгы алдын алуу иш-чаралары башталды. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.

Бекитилген планга ылайык, учурда 3-6 айлык ургаачы торпоктор бруцеллезге каршы эмделүүдө. Ошондой эле бодо малдан кан алынып, бул илдетке карата текшерүү жүргүзүлүп жатат.

Үй жаныбарларын коргоо максатында иттер менен мышыктар кутурмага каршы эмделип, эхинококкозго каршы дегельминтизациялоо иштери башталды.

Жапырт эмдөө алкагында кой-эчкилер оспа жана бруцеллезге каршы, ал эми бодо мал шарп, күйдүргү жана карасан ооруларына каршы эмделет. Вакцинация толугу менен мамлекеттик бюджеттин эсебинен жүргүзүлөт.

2026-жылга карата ветеринардык кызматтар бардык керектүү биокаражаттар, дары-дармектер жана дезинфекциялоочу каражаттар менен толук камсыздалган. Аларды сактоо үчүн атайын муздаткыч жабдуулар орнотулган.

Мындан тышкары, эпизоотиялык абалды туруктуу кармоо үчүн иш-чаралар планы малдын санына жана аймактардагы кырдаалга жараша түзүлүп, жергиликтүү бийлик менен макулдашылган.

Бул максатта республикалык бюджеттен 135 млн сом бөлүнүп, жазгы алдын алуу иш-чаралары 100% керектүү каражаттар менен камсыз болду.

Учурда вакциналарды туура сактоо жана натыйжалуу колдонуу боюнча көзөмөл күчөтүлдү.

Мындан тышкары окуңуз

Барскоон – Бедел унаа жолунда 50дөн ашык көпүрө, 2 тоннель курулат

Барскоон – Бедел унаа жолун куруу боюнча геодезиялык жана инженердик-геологиялык изилдөөлөр толук аяктаганын Транспорт жана коммуникациялар министрлигинен билдиришти. Долбоордун алкагында унаа жолунан тышкары, 50дөн ашык көпүрө, 2 тоннель, ошондой эле коргоочу жана кошумча инженердик курулмаларды куруу каралган. * №1 тоннель (Сөөк) – жалпы узундугу 5 340 метр; * №2 тоннель (Ашуу-Суу) – жалпы узундугу 3

Бишкектеги ЖЭБ жана жылуулук тармактары салыктардан бошотулат

Министрлер кабинети 2022-жылдын 30-апрелиндеги №236 токтомуна өзгөртүүлөрдү киргизди. Бул документ Салык кодексинин жана ЕАЭБ келишимдеринин нормаларын колдонуу тартибин жөнгө салат. Документке ылайык, киреше салыгынан жана кошумча нарк салыгынан (КНС) бошотулган уюмдардын тизмесине эки муниципалдык ишкана — Бишкек ЖЭБи жана "Бишкек жылуулук тармактары" киргизилди. Мындан тышкары, токтомдун текстинде "коммуналдык&

Улуттук банктын активдеринин жалпы көлөмү 896,9 млрд сомго жетти

Улуттук банк 2026-жылдын 31-мартына карата финансылык абалы тууралуу отчетун жарыялады. Документке ылайык, жөнгө салуучунун активдеринин жалпы көлөмү 896,9 млрд сомду түзүп, 2025-жылга салыштырмалуу кыйла өстү. Активдердин негизги бөлүгүн мурдагыдай эле монетардык алтын түзөт — 608,8 млрд сомдон ашык (бир жыл мурун 292,4 млрд сом болгон). Кассадагы, банктардагы жана

Бишкектеги парктарда мыйзамсыз соода кылгандарга айып пул салынды

Бишкек шаардык мериясынын Муниципиалдык инспекциясы баш калаадагы парктарда мыйзамсыз соода кылгандарга карата чара көрдү. Бул тууралуу аталган инспекциянын башчысы Мирлан Таалайбеков билдирди. Маалыматка таянсак, Муниципиалдык инспекция тарабынан мыйзамсыз бамуздак саткандарга айып пул салынды. Анда инспекция көчөдө талаптарга ылайык келбеген балмуздак саткандарды текшерип, аларга айып пул салган. “Кээ бир жарандар Бишкектеги