Ысык-Көлдө 6 миң метрден ашык мыйзамсыз тор алынды

Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын Ысык-Көл регионалдык башкармалыгы браконьерликке каршы рейддерди улантууда. Бул тууралуу ведомстводон билдиришти.

2026-жылдын алгачкы үч айында Ысык-Көл көлүнөн 6000 метрден ашуун эски кытай синтетикалык торлор алынды.

Адистердин маалыматына ылайык, бул торлор балык ресурстарына олуттуу зыян келтирип, көлдүн экологиясына коркунуч жаратууда.

Белгилей кетсек, мыйзамсыз балык уулоого каршы күрөш күчөтүлүп, рейддик иш-чаралар туруктуу негизде улантылат.