Таласта 22 ири долбоор ишке ашып, 1500дөн ашык жумуш орду түзүлөт

Талас облусунда 22 ири долбоорду ишке ашыруунун алкагында 1500дөн ашык жаңы жумуш ордун түзүү пландалууда. Бул тууралуу президенттин облустагы өкүлү Эрмат Жумаев "Биринчи радионун" түз эфиринде билдирди.

Анын айтымында, учурда президенттин тапшырмасы менен аймакта бир катар долбоорлор ишке ашырылып жатат. Бул демилгелер экономикалык өсүштү камсыздоого жана аймакты өнүктүрүүгө багытталган.

Белгиленгендей, ири долбоорлордун ишке кириши жергиликтүү тургундарды жумуш менен камсыз кылууга шарт түзөт.

Адистердин баамында, бул долбоорлор Талас облусунун социалдык-экономикалык өнүгүүсүндө маанилүү роль ойнойт.